Tuesday, December 28, 2010

ಬೆರಳ್ಗೆ ಬಾಯಿ !

ಮೊದಮೊದಲು ಒಂದು ಬೆರಳು ಬಾಯಿಯಲ್ಲಿ ಇರುತಿತ್ತು.

ಈಗೀಗ ಎರಡು ಕೈಗಳಲ್ಲಿನ ಕನಿಷ್ಟ ಎರಡು ಬೆರಳುಗಳು ಬಾಯಿಗೆ ಹೋಗುತ್ತಿವೆ. ಅದರ ಜೊತೆ, ಚಪ್ಪರಿಸಿಕೊಂಡು ಬೆರಳು ಚೀಪುವುದು ನಡೆಯುತ್ತಿದೆ.

ಮೊನ್ನೆ ಸೋಫಿ ಎಂಬ ಚಿಕ್ಕ ಜಿರಾಫೆ ಮರಿ ತಗೆದುಕೊಂಡು ಬಂದೆವು. ಸಾನ್ವಿ ತರದ, ಹಲ್ಲು ಮೂಡುವುದಕ್ಕಿಂತ ಮುಂಚಿನ(ಹಲ್ಲು ಮೂಡಿದ) ಮಕ್ಕಳಲ್ಲಿ ತುಂಬಾ ಪ್ರಸಿದ್ಧವಾದದಂತೆ ಈ ಸೋಫಿ. ರಬ್ಬರಿನಿಂದ ಮಾಡಿದ ಸೋಫಿ, ಸಾನ್ವಿ ಕೈ ಬಾಯಲ್ಲಿ ಆಡಿತು.

ಕುವೆಂಪು ’ಬೆರಳ್ಗೆ ಕೊರಳ್’ಲ್ಲಿ ಹೇಳುವ ರೀತಿಯಲ್ಲಿ, ನಮ್ಮ ಸಾನ್ವಿ ‘ಬೆರಳ್ಗಳು ನೂರು ಮಡಿ ಲೇಸು, ರಬ್ಬರಿನ ಆ ನಮ್ಮ ಸೂಫಿಗಿಂ’ ಎಂಬಂತೆ ಕೆಲವೇ ದಿನಗಳಲ್ಲಿ ಮರಳಿ ತನ್ನ ಬೆರಳಿಗೆ ಮರಳಿದಳು !


ಇದರ ಜೊತೆಗೆ ಸಿರಿಲ್ ತಿನ್ನಿಸುವಾಗ ಚಮಚ ಕಚ್ಚುವುದು, ಕುತ್ತಿಗೆ ಸುತ್ತಲಿನ ವಸ್ತ್ರ ಎಳೆದು ಬಾಯಿಗೆ ಹಾಕಿಕೊಳ್ಳುವುದು ಮುಂದುವರೆದಿದೆ.

ಇದಿಷ್ಟು ಸಾನ್ವಿಯ ಬೆರಳುಗಳ ಕತೆಯಾದರೆ, ನಮ್ಮಗಳ ಬೆರಳುಗಳು ಸಾನ್ವಿಗೆ ವಿಸ್ಮಯವುಂಟು ಮಾಡುವ ಆಟಿಕೆಗಳು.

ನಮ್ಮ ಕೈ ಬೆರಳುಗಳನ್ನು ಸಾನ್ವಿ ಮುಂದೆ ಆಡಿಸುತ್ತಿದ್ದರೆ, ಅದನ್ನು ತದೇಕಚಿತ್ತದಿಂದ ನೋಡುತ್ತಿರುತ್ತಾಳೆ. ಬೆರಳುಗಳು ಹೇಗೆ ಓಡಾಡುತ್ತವೆಯೋ, ಹಾಗೇ ಸಾನ್ವಿಯ ದೃಷ್ಟಿ ಹಿಂಬಾಲಿಸುತ್ತದೆ. ಮುಖದಿಂದ ಎಷ್ಟು ದೂರ ಬೆರಳುಗಳನ್ನು ತೆಗೆದುಕೊಂಡು ಹೋದರು, ಅದನ್ನೇ ನೋಡುತ್ತಿರುತ್ತಾಳೆ.ನಮ್ಮ ಬೆರಳುಗಳ ಕೈಗೆ ಸಿಗುತ್ತಿದ್ದರೆ, ಮತ್ತೆ ಆ ಬೆರಳುಗಳನ್ನು ಬಾಯಿಗೆ ಎಳೆದುಕೊಂಡು ಹೋಗುವ ಉತ್ಸಾಹ. ಕೆಲವೊಮ್ಮೆ ಒಂದರ ಬದಲಾಗಿ ಎರಡು ಕೈಗಳನ್ನು ಹಿಡಿದಾಗ, ಯಾವ ಬೆರಳುಗಳನ್ನು ಹಿಂಬಾಲಿಸಬೇಕೆಂಬ ಜಿಜ್ಞಾಸೆ !

ಪುಟ್ಟ ಮಕ್ಕಳು ಬೆರಳು ಬಾಯಲ್ಲಿ ಇಟ್ಟುಕೊಳ್ಳುವುದರಿಂದ ಅವಕ್ಕೆ ಸಮಾಧಾನ ಆಗುತ್ತದೆಯಂತೆ, ಹಾಗೇ ಹಲ್ಲು ಬರುವದಕ್ಕಿಂತ ಮುಂಚೆ ಬೆರಳು ಚೀಪುವುದು ಜಾಸ್ತಿಯಾಗುತ್ತದೆ ಎಂದು ಸಾನ್ವಿಯ ಅಜ್ಜಿ ತಮ್ಮ ಬೆರಳು ತೋರಿಸಿ ಹೇಳುವಾಗ, ಸಾನ್ವಿ ದೃಷ್ಟಿ ಅವರ ಬೆರಳುಗಳೇ ಮೇಲೆ ಇತ್ತು !

Tuesday, December 21, 2010

Letter to Santa

Last year around this time, we discussed for a long time and got convinced that we had done good deeds through the year. So we wrote a letter to Santa.

********************************
Dear Santa Claus,

How are you doing? Hope the elves and reindeers are in great spirit. 

Just to remind you that we have been really good throughout the year. We were little stupid & little naughty but most of the time we were good.

Can you please bring us a gift that is something special & lovely.
Regards to Mrs.Claus.

Love
******************************

Looks like Santa was real busy handling  & delivering all the requests he got. So we thought Santa didn't  read our letter. But finally the reply from Santa did come few months late !

******************************
Ho Ho Ho !
You thought I had forgotten your request :)

It took some time to come up with your gift as you had asked for something special.
As both of you were really good this year.I've brought something really special !

I'm sure you will love it !!
Merry Christmas !
Santa
************************
We checked the stocking for what Santa brought us...
Oh ! Gift was incredibly beautiful..

Here is the photo of the gift straight out of stocking..















Thanks Santa !
We are loving it !!

Tuesday, December 14, 2010

ಅನ್ನಪೂರ್ಣೇ ಸದಾಪೂರ್ಣೇ..

ಈ ಸಲ ಚುಚ್ಚುಮದ್ದುಗಳ ನಂತರ ಸಾನ್ವಿ ಅಷ್ಟೇನೂ ಅಳಲಿಲ್ಲ.

ನಾಲ್ಕನೇಯ ತಿಂಗಳ ಚುಚ್ಚುಮದ್ದುಗಳನ್ನು ಸಾನ್ವಿಗೆ ನೀಡಿದ ನಂತರ ವೈದ್ಯರು, ಸಾನ್ವಿಗೆ ನಿಧಾನವಾಗಿ ಘನ ಆಹಾರವನ್ನು ಕೊಡಬಹುದೆಂದು ಸೂಚಿಸಿದ್ದರು.

ವೈದ್ಯರ ಸಲಹೆ ಮೇರೆಗೆ ಸಾನ್ವಿಗೆ ಅಕ್ಕಿ ಸಿರಿಯಲ್‍ನಿಂದ ಘನ ಆಹಾರ ಕೊಡಲು ಶುರುಮಾಡಲು ಸನ್ನದ್ಧರಾದೆವು. ಹುಟ್ಟಿದ ಗಳಿಗೆಯಿಂದ ಕೇವಲ ಎದೆಹಾಲು ಕುಡಿಯುತ್ತಿದ್ದ ಸಾನ್ವಿಗೆ ಬೇರೆ ಆಹಾರ ಕೊಡಬಹುದೆನ್ನುವ ವಿಷಯ ನಮಗೆ ವಿಶೇಷವೆನಿಸಿತ್ತು.

ಇಂತಹ ಸುಸಂದರ್ಭವನ್ನು ವಿಶೇಷವಾದ ಜಾಗವೊಂದರಲ್ಲಿ ಶುರುಮಾಡಬೇಕೆಂಬುದು ಸಾನ್ವಿ ಅಮ್ಮನ ಅಭಿಪ್ರಾಯ. ಪರಮಶಕ್ತಿಯಾದ ಭಗವಂತನ ಆಲಯಕ್ಕಿಂತ ವಿಶೇಷ ಜಾಗ ಬೇರೇನೂ ತೊರಲಿಲ್ಲ.

ಲಿವರ್‌ಮೋರ್‌ನ ಶಿವವಿಷ್ಣು ದೇವಾಲಯದಲ್ಲಿ, ಸಾನ್ವಿಯ ಅಮ್ಮ ಪುಟಾಣಿ ಚಮಚದಿಂದ ಸಿರಿಯಲ್‍ನ್ನು ದಿವ್ಯಸಾನ್ಯಿಧ್ಯದಲ್ಲಿ, ಸಾನ್ವಿಗೆ ತಿನಿಸಿದಳು. ಮೊದಲ ಸಲ ಹಾಲಿಗಿಂತ ಭಿನ್ನವಾದ ರುಚಿಯ ಸಿರಿಯಲ್ ತಿಂದ ಸಾನ್ವಿ ಅದೇನೆಂದು ತಿಳಿಯದೇ ಮುಖ ನೋಡುತ್ತಿದ್ದಳು. ನಂತರ ಚಮಚೆಯಲ್ಲಿ ನೀರಿನ ಸ್ವಾದನೆ ನಡೆಯಿತು.

ಸಧ್ಯಕ್ಕೆ ದಿನಕ್ಕೆ ಒಂದು ಸಲ ಸಿರಿಯಲ್ ಅಸ್ವಾದನೆ ನಡೆಯುತ್ತಿದೆ. ಸಿರಿಯಲ್‍ನ್ನು ಹಾಲಿನಲ್ಲಿ ತೆಳುವಾಗಿ ಕಲೆಸಿ, ಸಾನ್ವಿ ಬಾಯಿಯಲ್ಲಿ ಚಮಚದಲ್ಲಿ ಇಡುತ್ತಿದಂತೆ ಸಾನ್ವಿ ಬಾಯಿ ತೆರೆಯುವುದು ನೋಡುವುದು ಚೆಂದ. ಮೈಮೇಲೆ ಬೀಳಬಾರದಂತೆ ಸಾನ್ವಿಯ ಕುತ್ತಿಗೆಯ ಸುತ್ತ ವಸ್ತ್ರ ಕಟ್ಟಿದ್ದರೂ, ಆ ವಸ್ತ್ರವನ್ನೇ ತನ್ನ ಬಾಯಿಗೆ ಹಾಕಿಕೊಳ್ಳವ ಸನ್ನಹ ಸಾನ್ವಿಯದು. ಕೊನೆಗೆ ಬಾಯಿ ಸುತ್ತಲೂ ಬಿಳಿಯ ಪದರ. ಅದನ್ನು ಒರೆಸಿ, ನೀರು ಕುಡಿಸಿದರೆ ಸಾನ್ವಿಯ ಸಿರಿಲ್ ಕೊನೆಗೊಳ್ಳುತ್ತದೆ.

ಸಾನ್ವಿಗೆ ಅನ್ನಪ್ರಾಶನ ಮಾಡಿಸುವಾಗ ಅದಿ ಶಂಕರಾಚಾರ್ಯರು ರಚಿಸಿದ ಅನ್ನಪೂರ್ಣ ಸ್ತೋತ್ರದ ಕೆಲವು ಸಾಲುಗಳು ನೆನಪಾದವು

ಅನ್ನಪೂರ್ಣೇ ಸದಾಪೂರ್ಣೇ
ಶಂಕರಪ್ರಾಣವಲ್ಲಭೆ |
ಜ್ಞಾನವೈರಾಗ್ಯಾಸಿದ್ಯಾರ್ಥಂ
ಭಿಕ್ಷಾಂ ದೇಹಿ ಚ ಪಾರ್ವತಿ||

ಅದರ ಅನುವಾದ - ಓ ಅನ್ನಪೂರ್ಣೇ, ಯಾವಾಗಲೂ ತುಂಬಿರುವವಳೇ, ಶಿವನ ಸತಿಯೇ, ಜ್ಞಾನ ಮತ್ತು ವೈರಾಗ್ಯ ಪಡೆಯುವಂತೆ ಭಿಕ್ಷೆಯನ್ನು ನೀಡು ಪಾರ್ವತಿಯೇ.

ಸಾನ್ವಿಗೆ ಅನ್ನ ಉಣಿಸುತ್ತಿರುವ ಈ ಸಂದರ್ಭದಲ್ಲಿ ನಮ್ಮ ವಿನಮ್ರ ಪ್ರಾರ್ಥನೆ - ಪ್ರಪಂಚದಲ್ಲಿ ಹಸಿದವರು ಎಲ್ಲೇ ಇರಲಿ , ಯಾರೇ ಇರಲಿ, ಅವರಿಗೆಲ್ಲಾ ಅನ್ನವನ್ನು ನೀಡು.

ಹೊಟ್ಟೆಯ ಹಸಿವಿನ ಜೊತೆ ನಮೆಲ್ಲರ ಜ್ಞಾನದ ಹಸಿವು ನೀಗಲಿ.

Monday, December 6, 2010

Month Four

We have a detailed observer in the house these days !

Saanvi keeps looking at every little thing in the house. Her seeing sessions start during her baths, where she keeps looking at every soap, shampoo bottle & patterns on towels. We have to turn her head to bath her. If she is taken to kitchen, she looks at the colorful boxes & cookwares.

Probably her fingers are the tastiest thing she is finding. Loves to keep the fingers in the mouth and drools.

While enjoying licking the fingers, she is making an attempt to flip over. With little push, she gets on her tummy and lifts head to see around.

Looks like the zeal to speak is getting more & more intense. Saanvi tries to say something and the speech sessions goes non-stop. She bursts into loud laughs sometimes when we are speaking with her. More the people around her, she gets more vocal. Probably loves having audience and attention !

Saanvi grasps things like the bangles, chain & towel. Towel straight away makes it to her mouth!

We have been on road for some short trips and she is trying to look everything outside.

She looks like chewing all the time. Probably time for teething..



ನಮ್ಮ ಮನೆಯಲ್ಲಿದ್ದಾರೆ ಕುತೂಹಲಭರಿತ ವೀಕ್ಷಕರೊಬ್ಬರು !

ಮನೆಯಲ್ಲಿರುವ ಎಲ್ಲಾ ಚಿಕ್ಕ-ದೊಡ್ಡ ವಸ್ತುಗಳನ್ನು ನೋಡುತ್ತಿದ್ದಾಳೆ ಸಾನ್ವಿ. ಸ್ನಾನ ಮಾಡಿಸುವಾಗ ಶುರುವಾಗುತ್ತೆ ವೀಕ್ಷಣೆ. ಅಲ್ಲಿನ ಸಾಬೂನು, ಶ್ಯಾಂಪೂ ಶೀಶೆಗಳು ಮತ್ತು ಟವೆಲ್‍ಗಳನ್ನು ನೋಡುತ್ತಲೇ ಇರುತ್ತಾಳೆ. ಕೆಲವೊಮ್ಮೆ ತಲೆಯನ್ನು ನಮ್ಮಡೆಗೆ ತಿರುಗಿಸಿ ಸ್ನಾನ ಮಾಡಿಸಬೇಕಾಗುತ್ತದೆ. ಅಡುಗೆ ಕೋಣೆಯ ಕಡೆ ಹೋದರೆ,  ಅಲ್ಲಿನ ಡಬ್ಬಗಳು ಮತ್ತು ಆಡುಗೆ ಸಾಮಾಗ್ರಿಗಳು ಕಡೆ ಗಮನ.

ಸದ್ಯಕ್ಕೆ ಸಾನ್ವಿಗೆ ಅವಳ ಬೆರಳುಗಳು ಬಹುಷಃ ರುಚಿಯೆನಿಸುತ್ತಿವೆ. ಬಾಯಿಯಲ್ಲಿ ಬೆರಳು ಇಟ್ಟುಕೊಳ್ಳುವುದು ನಿತ್ಯದ ಕೆಲಸ.

ಬೆರಳು ನೆಕ್ಕುತ್ತಲೇ ಮಗುಚಿಕೊಳ್ಳುವ ಪ್ರಯತ್ನ ನಡೆಯುತ್ತದೆ. ಸ್ಪಲ್ಪ ಸಹಾಯದಿಂದ ಮುಗುಚಿಕೊಳ್ಳುತ್ತಾಳೆ. ಹೊಟ್ಟೆ ಕೆಳಗೆ ಮಾಡಿ ಮಲಗಿ ಕತ್ತು ಎತ್ತಿ ಸುತ್ತಮುತ್ತ ನೋಡುವ ಕೆಲಸ ಸುಸ್ತಾಗುವವರೆಗೆ ಸಾಗುತ್ತದೆ.

ಮಾತಾಡುವ ಹಂಬಲ ದಿನದಿನವೂ ಜಾಸ್ತಿಯಾಗುತ್ತಿದೆ. ಏನೋ ಹೇಳುವ ಪ್ರಯತ್ನದಲ್ಲಿದ್ದಂತೆ ತೋರುತ್ತಾಳೆ ಸಾನ್ವಿ. ಹಲವಾರು ನಿಮಿಷಗಳವರೆಗೆ ಈ ಸಂಭಾಷಣೆ ನಡೆಯುತ್ತಿರುತ್ತೆ. ನಡುವೆ ದೊಡ್ಡದಾಗಿ ನಗಲು ಶುರುಮಾಡುತ್ತಾಳೆ. ಸಾನ್ವಿ ಸುತ್ತ ಜಾಸ್ತಿ ಜನವಿದ್ದಷ್ಟು, ಮಾತಾಡಲು ಜಾಸ್ತಿ ಹುರುಪು. ಬಹುಷಃ ತನ್ನದೇ ಪ್ರೇಕ್ಷಕ ವರ್ಗದ ಗಮನ ಖುಷಿಕೊಡುತ್ತಿರಬಹುದು.

ಕೈ ಬಳೆಗಳು, ಕೊರಳ ಸರಗಳು ಮತ್ತು ಟವೆಲ್‍ಗಳು, ಸಾನ್ವಿ ಬೆರಳುಗಳ ಹಿಡಿತಕ್ಕೆ ಸಿಗುವ ವಸ್ತುಗಳು. ಟವೆಲ್ ನೇರವಾಗಿ ಕೆಲವೊಮ್ಮೆ ಬಾಯಿಗೆ ಹೋಗುತ್ತೆ.

ಹತ್ತಿರದ ಸ್ಥಳಗಳಿಗೆ ಸಾನ್ವಿಯನ್ನು ಕರೆದುಕೊಂಡು ಹೋಗಿದ್ದೆವು. ಹೊರಗಿನ ಪ್ರಪಂಚ ನೋಡುವ ಅಚ್ಚರಿಯಲ್ಲಿದ್ದಳು ಸಾನ್ವಿ.

ಯಾವಾಗಲೂ ಬಾಯಿಯಲ್ಲಿ ಏನೋ ಇರುವ ಹಾಗೇ ಜಗಿಯುತ್ತಿದ್ದಾಳೆ. ಬಹುಷಃ ಹಲ್ಲು ಮೂಡುವ ಸಮಯ ಹತ್ತಿರವಿರಬೇಕು...

Sunday, November 28, 2010

Visits, Shopping & Thanksgiving !

Visits, Shopping & Thanksgiving !

That is how the week has been & Saanvi has been little busy doing rounds in the town !

Its more than 100 years old, more than 50 persons from here have won the Noble prize, its alumni has started world renowned tech companies - Google, Yahoo, Sun, Cisco, HP.

What could be this renowned place ?

Its Stanford University !

Stanford is around 20 minutes from our place and recently we visited Stanford. Saanvi roamed around the university campus. It is such a huge campus and flipping through the campus needs some time. After zipping through the campus, next Saanvi went to the adjacent Stanford Shopping Center.

The bright lights and colorful shops did delight Saanvi for a short time. There was already a Christmas tree set in the mall and the sparkling tree grabbed her attention. But soon sleep & evening took over.

Speaking of technology and creativity, there is nothing like Space technology and who is the pioneer in the space technology !

Its NASA !!

Other day, Saanvi visited the NASA Exploration Center.

NASA center provides opportunity to experience NASA missions & astronomy. The center has some pretty cool exhibits and has a big theater that beams educational videos on planets & other space related topics.

When we visited the NASA center, there was a video about Solar system. Saanvi watched it for few while with wide eyes from her stroller. Her attention diverted towards the exhibit which was in a special room whose walls were like the moon landing scene. There was a small rock in the room and it was from Moon.  We learnt that it was brought by Apollo crew.

After going through the Mars exhibits and replica of Space Station, Saanvi slipped into sleep.

Not far from NASA was another place which had become synonym with searching.

Its Google !

Google is no longer a noun, it has become a verb. Its hard to imagine somebody not using Google.

The campus is situated in the quite part of Mountain View. We roamed around in Google campus with Saanvi.

Then there was the shopping for Black Friday & Thanksgiving.

Overall it was a super week that was filled with visits to tech meccas and shopping malls.

 *******************

Thanksgiving was celebrated by early European settlers to thank God for making them survive through the harsh winter when they arrived to the new found land (America). Over the years celebration has become widespread in US.

Celebration of Thanksgiving is often associated with the traditional Turkey & these days with heavy shopping. More than anything, it is a nice opportunity to offer thanks to everybody who has been with us, who has supported us and who inspire us.

Saanvi(& dad-mom) would like to thank everybody who are providing the constant love, support and blessings.

Friday, November 19, 2010

ಪುಟ್ಟ ಬಟ್ಟೆ ಮತ್ತು ಗಾಳಿಪಟ ದಾರ

ಮೊನ್ನೆ ಅಮ್ಮನ ಜೊತೆ ಪೋನ್‍ನಲ್ಲಿ ಮಾತಾಡುವಾಗ ಬಹಳ ಸಂಭ್ರಮದಿಂದ ಕೇಳಿದಳು - ’ಮನೆ ಕ್ಲೀನ್ ಮಾಡುವಾಗ ಏನು ಸಿಗ್ತು ಹೇಳು ನೋಡೋಣಾ’ ?

ಸಾನ್ವಿ ಜೊತೆ ಆಡುತ್ತಿದ್ದ ನನಗೆ ಗೊತ್ತಾಗಲಿಲ್ಲ. ಅಮ್ಮನೇ ಮುಂದುವರೆಸಿ ಹೇಳಿದಳು ’ನೀನು ಚಿಕ್ಕವನಿದ್ದಾಗ ಆಸೆಯಿಂದ ಕೂಡಿಡುತ್ತಿದ್ದ ಬಣ್ಣ-ಬಣ್ಣದ ಅಂಗಿ ಗುಂಡಿಗಳ ಡಬ್ಬ ಸಿಗ್ತು! ಅದರ ಜೊತೆ ಗಾಳಿಪಟ ಹಾರಿಸುತ್ತಿದ್ದ ದಾರದುಂಡೆ !!’ .

ಚಿಕ್ಕವನಿದ್ದಾಗಿನ ನನ್ನ ಅಂಗಿ ಗುಂಡಿಗಳ(ಬಟನ್) ಬಗೆಗಿನ ಆಸಕ್ತಿ, ಅಪ್ಪನ ಜೊತೆ ಹಾರಿಸುತ್ತಿದ್ದ ಗಾಳಿಪಟಗಳು..ಹಾಗೇ ಅನೇಕ ದೃಶ್ಯಾವಳಿಗಳು ಕಣ್ಮುಂದೆ ಸಾಗಿ ಹೋದವು. ನಾನು ಆ ಡಬ್ಬ, ಅ ಬಣ್ಣದ ಗುಂಡಿಗಳನ್ನು ಬಹುತೇಕ ಮರತೇ ಬಿಟ್ಟಿದ್ದೆ. ಆದರೆ ಅಮ್ಮ ಅದನ್ನು ಇಷ್ಟು ವರ್ಷ ಜೋಪಾನವಾಗಿ ಎತ್ತಿಟ್ಟಿದ್ದು ಮತ್ತು ಆ ಡಬ್ಬ ಸಿಕ್ಕಾಗ ಸಂಭ್ರಮಿಸಿದ ರೀತಿ ನನಗೆ ವಿಸ್ಮಯವುಂಟು ಮಾಡಿತ್ತು.

ಅದರ ಬಗ್ಗೆ ಯೋಚಿಸುತ್ತಿರುವಾಗ, ಸಾನ್ವಿ ಅಮ್ಮ ಚೀಲವೊಂದರಲ್ಲಿ ಏನೋ ಜೋಡಿಸುತ್ತಿದ್ದಳು. ನೋಡಿದರೆ ಸಾನ್ವಿಯ ಪುಟ್ಟ ಬಟ್ಟೆಗಳು.

ಹುಟ್ಟಿದಾಗ ಸಾನ್ವಿಗೆ ತಂದಿದ್ದ ಬಟ್ಟೆಗಳಲ್ಲಿ ಹಲವು ಈಗ ಮೂರು ತಿಂಗಳ ನಂತರ ಆಗುತ್ತಿರಲಿಲ್ಲ. ನೋಡುನೋಡುತ್ತಾಲೇ ಸಾನ್ವಿ ಆ ಬಟ್ಟೆಗಳಾಚೆ ಬೆಳೆದು ಬಿಟ್ಟಿದ್ದಳು. ಆ ಚಿಕ್ಕದಾದ ಬಟ್ಟೆಗಳ ಉಸ್ತುವಾರಿಯನ್ನು ಸಾನ್ವಿಯ ಅಮ್ಮ ವಹಿಸಿಕೊಂಡು ಚೀಲದಲ್ಲಿ ತುಂಬುತ್ತಿದ್ದಳು.

ಈ ಚಿಕ್ಕದಾದ ಬಟ್ಟೆಗಳಲ್ಲಿ ಸಾನ್ವಿಯ ಬಾಲ್ಯದ ನೆನಪುಗಳನ್ನು ಹೆಕ್ಕಿ ಜೋಪಾನವಾಗಿ ಇಟ್ಟುಕೊಳ್ಳುವ ಪ್ರಯತ್ನದಲ್ಲಿದಂತೆ ಸಾನ್ವಿಯ ಅಮ್ಮ ಕಂಡಳು. ಆ ಬಟ್ಟೆಗಳನ್ನು ಸಾನ್ವಿ ಅಮ್ಮ ಜೋಪಾನಿಸುತ್ತಿದ್ದ ರೀತಿ ಮತ್ತು ಅದರ ಬಗೆಗಿನ ಪ್ರೀತಿ ನೋಡುತ್ತಿದ್ದೆ.

ಬಣ್ಣದ ಗುಂಡಿ-ಗಾಳಿಪಟದ ದಾರದುಂಡೆ ಕಂಡ ಅಮ್ಮನ ಸಂಭ್ರಮ ಈಗ ನನಗೆ ಅರ್ಥವಾಗತೊಡಗಿತ್ತು.

ಆ ಡಬ್ಬದಲ್ಲಿ , ಪುಟಾಣಿ ಬಟ್ಟೆಗಳಲ್ಲಿ, ಆ ಗಾಳಿಪಟ ದಾರದಲ್ಲಿ ಬಾಲ್ಯದ ಕೊಂಡಿಗಳು ಹೆಣೆದುಕೊಂಡದ್ದು ಗೋಚರವಾಗಿತ್ತು.

ಚಿಕ್ಕದಾದ ಬಟ್ಟೆಗಳನ್ನು ಜೋಡಿಸುವ ಸಾನ್ವಿ ಅಮ್ಮನ ಕಾರ್ಯ ಮುಂದುವರೆದಿತ್ತು.

ಇದ್ಯಾವುದರ ತಂಟೆಯಿಲ್ಲದೆ ಸಾನ್ವಿ ತನ್ನ ಪಾಡಿಗೆ ತಾನು ಆಡುತ್ತಿದ್ದಳು.

Wednesday, November 10, 2010

Month Three

Smiling wins !

Looks like that is what she is learning !!

Saanvi has learnt to smile whenever somebody speaks with her. Smiling starts since the time she wakes up and gets into peak mode when we get into talks with her. She gets into story telling mode and tries hard to explain something. Most of the times, she tries so hard that she ends up getting hicups.

Focus from milk seems to be deviated and she is more interested to view surroundings & outside. Even while drinking milk, she gets into the mood to tell tales. Sometimes starts throwing tantrums while drinking milk. In summary, feeding milk is becoming a new adventure for Saanvi's mom.

Sleeping looks to be totally shifted to night and she is enjoying a decent sleep in night. However it is difficult to make her sleep during day time.

She wants us to pick her up when she starts making sounds. After picking her up, she waits for sometime to see if we move. If we don't move, then again the unrest will start.

Best time is when she wakes up in the morning. She will be in a jovial mode talking to all the toys and pictures, making loud noises.

She celebrated her first Sarswati pooja, Dasara, Halloween and Deepavali. She had been to temple, toys r us and for trick/treat.

Feature of the month: Saanvi's mom trying to feed her and Saanvi doing little stunts as if she is not hungry or ready. So she is put down and immediately she keeps her hands in the mouth and start licking them as if she is hungry !

Overall it has been a fun month !



ನಗು ನಗುತಾ ನಲಿ..

ಮುಖದ ನೋಡಿದ ಕೂಡಲೇ ನಗುವುದನ್ನು ಸಾನ್ವಿ ಕಲಿತದ್ದು ಹೊಸದು. ಬೆಳಿಗ್ಗೆ ಎದ್ದಾಗಿನಿಂದ ಸಾನ್ವಿ ಮಂದಹಾಸ ಕಾರ್ಯಕ್ರಮ ಶುರುವಾಗುತ್ತೆ. ನಾವು ಹೋಗಿ ಸಾನ್ವಿ ಮುಂದೆ ನಿಂತರೆ, ನಗು ಹೆಚ್ಚಾಗುತ್ತೆ ಹಾಗೇ ಕಥಾ ಕಾಲಕ್ಷೇಪ ಆರಂಭವಾಗುತ್ತೆ. ಏನೋ ವಿಷಯವನ್ನು ವಿವರಿಸುವ ಯತ್ನದಲ್ಲಿರುವಂತೆ ತೋರುತ್ತದೆ. ಬಹುತೇಕ ಸಂದರ್ಭಗಳಲ್ಲಿ ಆ ಯತ್ನದಲ್ಲೇ ಬಿಕ್ಕಳಿಕೆ ಪ್ರಾರಂಭವಾಗುವುದುಂಟು.

ಹಾಲಿನ ಬಗ್ಗೆ ಮೊದಲಿಗಿಂತ ಆಸಕ್ತಿ ಕಡಿಮೆ ಆಗಿದೆ. ಯಾವಾಗಲೂ ಸುತ್ತಮುತ್ತ ಮತ್ತು ಹೊರಗೆ ನೋಡುವ ತವಕ. ಹಾಲು ಕುಡಿಯುವಾಗಲೂ ಸಾನ್ವಿಯಿಂದ ಕೆಲವೊಮ್ಮೆ ಯಾವುದೋ ಕತೆ ಹೇಳುವ ಪ್ರಯತ್ನ ನಡೆಯುತ್ತದೆ. ಇನ್ನು ಕೆಲವೊಮ್ಮೆ ಹಾಲು ಕುಡಿಯುವಾಗಲೇ ಸಾನ್ವಿಯ ಸಣ್ಣಪುಟ್ಟ ತರಲೆ ಹಟಗಳು ಶುರುವಾಗುತ್ತವೆ. ಒಟ್ಟಾರೆ, ಸಾನ್ವಿಯ ಅಮ್ಮನಿಗೆ ಹಾಲು ಕುಡಿಸುವುದು ಒಂದು ಹೊಸ ಸಾಹಸ !

ನಿದ್ದೆ ಈಗ ರಾತ್ರಿಗೆ ಸರಿದಿದೆ. ದಿನದ ಹೊತ್ತಿನಲ್ಲಿ ಮಲಗಿಸುವುದು ಕಷ್ಟ, ಆದರೆ ರಾತ್ರಿಯಲ್ಲಿ ಸಾನ್ವಿಯ ಒಳ್ಳೆ ನಿದ್ದೆಯಾಗುತ್ತಿದೆ.

ಸದ್ದು ಮಾಡುತ್ತಿದ್ದರೆ ನಾವು ಎತ್ತಿಕೊಳ್ಳಬೇಕೆಂಬಂತೆ ನೋಡುವುದು ನಡೆಯುತ್ತದೆ. ಎತ್ತಿಕೊಂಡ ನಂತರ ಅಲ್ಲಾಡದೆ ಒಂದೆಡೆ ನಿಂತಿದ್ದರೆ, ಮತ್ತೆ ಅದಕ್ಕೆ ಗಲಾಟೆ ಶುರುವಾಗುತ್ತದೆ.

ದಿನದ ಉತ್ತಮ ಸಮಯ ಸಾನ್ವಿ ಎದ್ದಾಗ. ಗೋಡೆಯ ಮೇಲಿನ ಪ್ರಾಣಿಗಳು , ಪಕ್ಕದಲ್ಲಿನ ಗೊಂಬೆಗಳೊಡನೆ ಎದ್ದ ಕೂಡಲೇ ಸಾನ್ವಿಯ ಸಂಭಾಷಣೆ ಶುರುವಾಗಿರುತ್ತದೆ.

ಈ ತಿಂಗಳಲ್ಲಿ ಸಾನ್ವಿಯ ಮೊದಲ ಸರಸ್ವತಿ ಪೂಜೆ, ದಸರಾ, ಹ್ಯಾಲೋವಿನ್, ದೀಪಾವಳಿ ಆಚರಣೆಗಳು ನಡೆದವು. ಹಾಗೇ ಸಾನ್ವಿಯ ಸವಾರಿ ದೇವಾಲಯ, ಟಾಯ್ಸ್ ರ್ ಅಸ್ ಮತ್ತು ಟ್ರಿಕ್-ಟ್ರೀಟ್‍ಗೆ ಹೋಗಿತ್ತು.

 ತಿಂಗಳ ವಿಶೇಷ: ಸಾನ್ವಿಯ ಅಮ್ಮ ಹಾಲು ಕುಡಿಸಲು ಹೋದರೆ, ಸಾನ್ವಿ ಹಸಿವು ಆಗೇ ಇಲ್ಲವೇನೋ ಎಂಬಂತೆ ಆಟಗಳನ್ನು ಆಡುವುದು. ಕೆಳಗಿಸಿದ ತಕ್ಷಣವೇ ತುಂಬಾ ಹಸಿವು ಎಂಬಂತೆ ತನ್ನ ಕೈಗಳನ್ನು ಬಾಯಿಯಲ್ಲಿ ಇಟ್ಟುಕೊಳ್ಳುವುದು !

ಒಟ್ಟಾರೆ ಈ ತಿಂಗಳು ಸುಂದರವಾಗಿತ್ತು !!

Tuesday, November 2, 2010

ಸಾನ್ವಿಯ ಹ್ಯಾಲೋವಿನ್

ಕುಂಬಳಕಾಯಿಯ ಹಿಡಿಕೆಯ ಸುತ್ತ ವರ್ತುಲಾಕಾರದಲ್ಲಿ ಕೊಯ್ದು ಎಳೆದಾಗ, ಅದು ಚಿಕ್ಕ ಮುಚ್ಚಳಿಕೆಯ ತರ ಹೊರಗೆ ಬಂತು. ಅದಕ್ಕೆ ತಿರುಳಿನಿಂದ ಅಂಟಿಕೊಂಡಿದ್ದ ಬೀಜದ ಸರಮಾಲೆಗಳು. ಕುಂಬಳಕಾಯಿಯೊಳಗೆ ಸೌಟಿನಿಂದ ಎರೆದು ತಿರುಳು-ಬೀಜಗಳನ್ನು ತೆಗೆದದ್ದಾಯಿತು.

ಕುಂಬಳಕಾಯಿ ಹೊರಮೈಯ ಮೇಲೆ ಎರಡು ತ್ರಿಕೋನಕಾರದಲ್ಲಿ ಕಣ್ಣುಗಳಂತೆ ಕೊರೆದು, ನಡುವೆ ಇನ್ನೊಂದು ತ್ರಿಕೋನದಂತ ಮೂಗನು ಕೊರೆದದ್ದಾಯಿತು. ಮೂಗಿನ ಕೆಳಗೆ ಬಾಯಿ ಆಕಾರದಲ್ಲಿ ಕೊರೆದಾಗ, ಅಲ್ಲೊಂದು ಮುಖ ಕುಂಬಳಕಾಯಿಯ ಮೇಲೆ ಮೂಡಿತ್ತು.

ಸಾನ್ವಿ ತನ್ನ ಬೌನ್ಸರ್‍ನಲ್ಲಿ ಕುಳಿತು, ತನ್ನ ಮುಂದೆ ನಡೆಯುತಿದ್ದ ಕುಂಬಳಕಾಯಿ ಕೆತ್ತನೆ ಕಡೆ ನೋಡುತ್ತಿದ್ದಳು..

ಹ್ಯಾಲೋವಿನ್ ಎಂಬ ವಿಶಿಷ್ಟ ಆಚರಣೆಗೆ ಸಿದ್ಧತೆ ನಡೆದಿತ್ತು..

ಕಣ್ಣು-ಮೂಗು-ಬಾಯಿಗಳನ್ನು ಇನ್ನೊಮ್ಮೆ ತೀಡಿ, ಅದರೊಳಗೆ ಮೇಣದ ಬತ್ತಿ ಇಟ್ಟಾಗ, ಕುಂಬಳಕಾಯಿಗೆ ಜೀವ ಬಂದಂತಿತ್ತು.
ಅದರ ತಲೆಯ ಮೇಲೆ ಮುಚ್ಚಳದಂತ ಚಿಪ್ಪನ್ನು ಇಟ್ಟಾಗ, ಜಾಕ್-ಓ-ಲ್ಯಾಂಟ್ರನ್(Jack O' Lantern) ಸಿದ್ಧವಾಗಿತ್ತು.

ಹ್ಯಾಲೋವಿನ್ ಆಚರಣೆಯಲ್ಲಿ ಜಾಕ್-ಓ-ಲ್ಯಾಂಟ್ರನ್ ಒಂದು ಪ್ರಮುಖ ಭಾಗ. ಕುಂಬಳಕಾಯಿಯಲ್ಲಿ ಮುಖವನ್ನು(ಬಹುತೇಕ ಕಡೆಗಳಲ್ಲಿ ಭಯಾನಕ ಮುಖ) ಕೊರೆದು ಅದರಲ್ಲಿ ದೀಪ ಹಚ್ಚಿ ಮನೆಯೊರಗೆ ಇಟ್ಟರೆ, ಅದು ದುಷ್ಟ ಶಕ್ತಿಗಳನ್ನು ಮನೆಯಿಂದ ದೂರವಿಡುತ್ತೆಂಬ ಪ್ರತೀತಿ.

ಜಾಕ್-ಓ-ಲ್ಯಾಂಟ್ರನ್ ಮನೆಯ ಬಾಗಿಲಲ್ಲಿ ಸ್ಥಾಪಿಸಿ ಬಂದಾಗ, ಸಾನ್ವಿಯನ್ನು ಅವರ ಅಮ್ಮ ಹ್ಯಾಲೋವಿನ್ ಡ್ರೆಸ್‍ನಲ್ಲಿ ಅಲಂಕರಿಸುತ್ತಿದ್ದಳು.

ಹ್ಯಾಲೋವಿನ್ ದಿನದಂದು ವಿವಿಧ ತರದ ಫ್ಯಾನ್ಸಿ ಡ್ರೆಸ್‍ಗಳನ್ನು ತೊಡುವುದು ಒಂದು ಸಂಪ್ರದಾಯವಾಗಿ ಬಿಟ್ಟಿದೆ. ಮಕ್ಕಳಿಗೆ ಶಾಲೆಗಳಲ್ಲಿ ಹ್ಯಾಲೋವಿನ್ ಡ್ರೆಸ್ ಡೇ ಸಹ ಇರುತ್ತೆ. ಬಾಲಕರಲ್ಲಿ ಸುಪರ್ ಮ್ಯಾನ್, ಸ್ಪೈಡರ್ ಮ್ಯಾನ್, ಐರನ್ ಮ್ಯಾನ್, ಪೋಲಿಸ್, ಸ್ಟಾರ್ ವಾರ್ಸ್ ಡ್ರೆಸ್‍ಗಳು ತುಂಬಾ ಪ್ರಸಿದ್ಧಿ. ಬಾಲಕಿಯರಲ್ಲಿ ಯುವರಾಣಿ, ಕಿನ್ನರಿ, ಸುಪರ್ ಗರ್ಲ್ ಬೇಡಿಕೆಯವು.
ದೊಡ್ಡವರದು ಬೇರೆಯದೇ ಒಂದು ವಿಚಿತ್ರ ಡ್ರೆಸ್ ಲೋಕ.

ನಮ್ಮ ಸಾನ್ವಿಗೆ ಹ್ಯಾಲೋವಿನ್‍ಗೆ ’ಹಸಿರು ಬಟಾಣಿ ಕಾಯಿ’ (Pea in the Pod) ಡ್ರೆಸ್ ಹಾಕಿದ್ದೆವು.

ಬಿಡಿಸಿದ ಬಟಾಣಿಕಾಯಿ ನಡುವೆ ಹಸಿರು ಬಟಾಣಿ ಕಾಳುಗಳ ವಸ್ತ್ರ. ತಲೆಗೆ ಬಟಾಣಿಕಾಯಿ ತೊಟ್ಟಿನಂತ ಹಸಿರು ಟೋಪಿ. ಟೋಪಿಗೊಂದು ಚಿಕ್ಕ ಹಸಿರು ಎಲೆ.

ಸಾನ್ವಿ ಥೇಟ್ ಹಸಿರು ಬಟಾಣಿ ಕಾಯಿ ತರನೇ ಮುದ್ದಾಗಿ ಕಾಣುತ್ತಿದ್ದಳು.

ಬಟಾಣಿ ಪುಟಾಣಿ ಸಾನ್ವಿ ’ಟ್ರಿಕ್ ಆರ್ ಟ್ರೀಟ್’ (Trick or Treat) ಹೊರಟಿತ್ತು.

ಹ್ಯಾಲೋವಿನ್ ಡ್ರೆಸ್‍ ಧರಿಸಿದ ಮಕ್ಕಳು ಅಕ್ಕಪಕ್ಕದ ಮನೆಗಳಿಗೆ ಹೋಗಿ, ಬಾಗಿಲು ಬಡಿದು ’ಟ್ರಿಕ್ ಆರ್ ಟ್ರೀಟ್’ ಎಂದು ಕೇಳುತ್ತಾರೆ. ಮನೆಯವರು ಟ್ರೀಟ್ ಎಂದು ಉತ್ತರಿಸಿ ಚಾಕೋಲೇಟ್-ಕ್ಯಾಂಡಿಗಳನ್ನು ಮಕ್ಕಳಿಗೆ ಕೊಡುತ್ತಾರೆ. ಬಹುಷಃ ಯಾರೂ ಟ್ರಿಕ್ ಎನ್ನುವುದಿಲ್ಲ. ಟ್ರೀಟ್ ಕೊಡದಿದ್ದರೆ ಮಕ್ಕಳು ಮಾಡುವ ತರಲೆಗಳಿಗೆ ಟ್ರಿಕ್ ಎನ್ನುತ್ತಾರೆ.

ಸಾನ್ವಿ ಬಟಾಣಿ ಡ್ರೆಸ್‍ನಲ್ಲಿ ’ಟ್ರಿಕ್ ಆರ್ ಟ್ರೀಟ್’ ಹೊರಟಾಗ, ಅಪ್ಪ-ಅಮ್ಮ ಚಾಕೋಲೇಟ್ ಬಕೆಟ್ ಹಿಡಿದು ಹಿಂಬಾಲಿಸಿದೆವು.
ಅಪ್ಪ-ಅಮ್ಮನ ಸ್ನೇಹಿತರಾದ ದೀಪ್ತಿ ಮನೆಗೆ ಹೋಗಿ ಕೇಳಿದಾಗ, ಸಾನ್ವಿಗೆ ಟ್ರೀಟ್ ಸಿಕ್ಕಿತು. ಸಾಕಷ್ಟು ಚಾಕೋಲೇಟ್‍ಗಳು ಬಕೆಟ್ ತುಂಬಿದವು.

ಸಾನ್ವಿ ಖುಷ್ ! ಕತೆ ಹೇಳೋ ತರ ಸ್ವರ ಹೊರಡಿಸಿ, ನಗುತ್ತಾ ಇದ್ದಳು ಸಾನ್ವಿ. ಬಹಳಷ್ಟು ಚಾಕೋಲೇಟ್‍ಗಳು ಸಿಕ್ಕಿವೆ ಎಂದು ಗೊತ್ತಾಯಿತೋ ಏನೋ..

ಸಂಚಾರ ಮುಗಿಸಿ ಮನೆಗ ಮರಳಿದಾಗ, ಜಾಕ್-ಓ-ಲ್ಯಾಂಟ್ರನ್ ನಗುತ್ತಾ ಸಾನ್ವಿಗೆ ಸ್ವಾಗತ ಬಯಸಿತ್ತು.

ಹೀಗೆ ನಡೆದಿತ್ತು ಸಾನ್ವಿಯ ಹ್ಯಾಲೋವಿನ್ !

Wednesday, October 27, 2010

Serenity

A water stream
Flowing in green wood
Causing calm sound

An unknown bird
Hiding in nearby tree
Singing rythmic glee

A gentle breeze
Gliding in pretty rose
Bringing sweet frangrance

In other words..

A beautiful baby
Sleeping in heavenly bliss
Making life bless

Wednesday, October 20, 2010

ಮಳೆ, ದೇವಾಲಯ ಮತ್ತು ಪುಸ್ತಕ

ಹೊರಗೆ ಜಿನುಗುತಿತ್ತು ಮಳೆ..

ಸಾನ್ವಿ ಬಂದ ನಂತರದ ಮೊದಲ ಮಳೆ..

ಕಿಟಕಿಯಿಂದ ಹೊರಗೆ ಬೀಳುತ್ತಿದ್ದ ಮಳೆ ಹನಿಗಳನ್ನು ಸಾನ್ವಿಗೆ ತೋರಿಸುತ್ತ ನಿಂತಿದ್ದೆವು.
ಎಷ್ಟು ಗೊತ್ತಾಯಿತೋ ಎನೋ..

ಈ ದಿನಗಳೇ ಹಾಗೇ, ಸಾನ್ವಿಗೆ ಎಲ್ಲದೂ ಹೊಸದು.

ಮೊನ್ನೆ ಮೊದಲ ಬಾರಿ ಸಾನ್ವಿಗೆ ದೇವಸ್ಥಾನಕ್ಕೆ ಕರೆದುಕೊಂಡು ಹೋಗಿದ್ದೆವು. ದೇವಸ್ಥಾನ ತಲುಪವಷ್ಟರಲ್ಲೇ ಸಾನ್ವಿ ನಿದ್ದೆ ಹೋಗಿದ್ದಳು. ಎಚ್ಚರವಾಗಿದ್ದು ದೇವಾಲಯದಲ್ಲಿ ನಡೆಯುತ್ತಿದ್ದ ಭರತನಾಟ್ಯದ ನಾದಕ್ಕೆ. ದೇವಾಲಯದ ಪ್ರಾಂಗಣದಲ್ಲಿ ನವರಾತ್ರಿ ವಿಶೇಷವಾಗಿ ಜರುಗುತ್ತಿದ್ದ ಭರತನಾಟ್ಯ. ಬಣ್ಣಬಣ್ಣದ ವಸ್ತ್ರಗಳು, ಗೆಜ್ಜೆಗಳು, ಒಡವೆಗಳಿಂದ ಕಂಗೋಳಿಸುತ್ತಿದ್ದ ನೃತ್ಯಗಾರ್ತಿಯರನ್ನು ನಮ್ಮ ಸಾನ್ವಿ ನೋಡುತ್ತಿದ್ದಂತೆ ಅನಿಸಿತು. ಮನೆಯಲ್ಲಿ ಚಿಕ್ಕ ಶಬ್ದಕ್ಕೆ ಎದ್ದೇಳುವ ಸಾನ್ವಿ, ದೇವಸ್ಥಾನದಲ್ಲಿನ ಘಂಟನಾದಕ್ಕಾಗಲಿ ಅಥವಾ ಭರತನಾಟ್ಯದ ತಾಳಕ್ಕಾಗಲಿ ಬೆಚ್ಚದೆ ಕುಳಿತಿದ್ದು ಅಚ್ಚರಿಯಾಗಿತ್ತು.

ಸರಸ್ವತಿ ಪೂಜೆ ದಿವಸ ಸಾನ್ವಿಗೆ ಮೊದಲ ಪುಸ್ತಕ ತಂದಿದ್ದೆವು. ಅದನ್ನು ಸಾನ್ವಿ ಓದುವ ದಿನಗಳಿನ್ನೂ ಬಹಳ ದೂರವಿದ್ದರೂ, ಹಾಗೇ ಸುಮ್ಮನೆ ತಂದು, ಪೂಜೆಗೆ ಇಟ್ಟಿದ್ದೆವು. ಪುಸ್ತಕವನ್ನು ಅದಕ್ಕೆ ಇಟ್ಟ ಹೂವನ್ನು ಸಾನ್ವಿ ಪಿಳಿಪಿಳಿ ನೋಡುತ್ತಿದ್ದಳು.
ನಾವು ಚಿಕ್ಕವರಿದ್ದಾಗ ಬಹಳ ಕಷ್ಟದ ಪಠ್ಯಪುಸ್ತಕವೊಂದನ್ನು ಸರಸ್ವತಿ ಪೂಜೆಗೆ ಇಡುತ್ತಿದ್ದದ್ದು ನೆನಪಾಯಿತು !

ನಂತರದ ಆಯುಧ ಪೂಜೆ ದಿವಸ ನಮ್ಮ ಕಾರ್‌ಗೆ ಮತ್ತು ಸಾನ್ವಿಯ ಸ್ಟ್ರಾಲರ್‌ಗೂ ಪೂಜೆ ನಡೆಯಿತು. ಪೂಜೆ ನಂತರ, ಸಾನ್ವಿ ನಮ್ಮ ಕಾರ್‌ನ ಡ್ರೈವರ್ ಸೀಟ್ ಮೇಲೆ ಅಮ್ಮನ ಜೊತೆ ಕುಳಿತು ಪರಿಶೀಲನೆ ಮಾಡಿದ್ದು ಮಜವಾಗಿತ್ತು.

ಮತ್ತೆ ಬಿಸಿಲು ಮರಳಿ ಬಂದ ಹಾಗಿದೆ..

ಬೆಳಕು ಇಣುಕುವ ಕಿಟಕಿಗಳ ಕಡೆ ಸಾನ್ವಿಯ ಆಸಕ್ತಿ ಸಹ ಹೆಚ್ಚಾದ ಹಾಗಿದೆ..

Tuesday, October 12, 2010

Vaccination time

Nobody likes these injections...

Aren't they like the necessary evils.

2 on left thigh and 1 on right thigh, total of 3 injections. Followed by one dose orally.
Saanvi got her first round of vaccinations.

She had never cried like that before. We returned home with little band aid stickers on the Saanvi's thighs where the needles pricked.

She was restless. It took lots of time to console her.

It was very saddening to see the little baby cry in pain..

I was wondering why its not possible to give all the vaccines through mouth..

Looks like it hurt when Saanvi moved during sleep & she cried more..

Wish there was a way for parents to take the required vaccines and pass it on to the babies through some means..

*************************************
Its been few days since vaccination and Saanvi is fully back in action !

Wednesday, October 6, 2010

Month Two

Its 2 months now !

Saanvi has become more vocal.

She is using the repeated short cries to demand the milk. Latest use of her cry is simply to grab our attention. When she thinks that she is alone and want people around her, she lets our the shrill cry !She stops the cry as soon as we pick her up.

No clear sleep pattern still.

But mostly she is getting into very short burst of sleeps. Sometimes it takes so much time to put her to sleep but only to find that she wakes up in next 5-10 minutes. Other times, as usual the night shifts continue.

She looks like started gazing at the pictures of the animals which are decorated on walls of her room.

When we keep talking to her sometimes with animated movements and voices, Saanvi gets excited & starts smiling. She makes faces as if she wants to say something. Often we have heard some sylabbles like 'aaa..kkkkkkk'. Her mom & granny are confident that she says 'aakka' !

Fun episode:
One day, I was speaking to her as if she understands what I was speaking and asked her 'do you know what Basavanna has said about younger ones'. She was looking at my face when I was speaking and as soon as I finished, she opened her mouth and said something which sounded like 'o.....kkkkkkkkk'.  We all burst laughing; thanking Saanvi to say its ok for me to explain what Basavanna told !



ಆಗಲೇ ೨ ತಿಂಗಳಾಯ್ತು !

ಸಾನ್ವಿ ಬಾಯಿ ಜೋರಾಗಿದೆ..
ಪದೇ ಪದೇ ಸ್ಪಲ್ಪ ಅತ್ತರೆ, ಬಹುತೇಕ ಸಂದರ್ಭದಲ್ಲಿ ಹಾಲಿಗೋಸ್ಕರ. ನಮ್ಮ ಗಮನವನ್ನು ತನ್ನತ್ತ ಸೆಳೆಯುವುದು ತನ್ನ ಕೂಗಿನಿಂದ ಸಾಧ್ಯ ಎಂಬುದು ಹೊಸ ಕಲಿಕೆ. ಅಕ್ಕಪಕ್ಕದಲ್ಲಿ ಯಾರು ಇಲ್ಲಾ ಎಂದೆನಿಸಿದಾಗ, ಒಂದು ಜೋರು ಆವಾಜ್ ಬರುತ್ತದೆ. ಎತ್ತಿಕೊಂಡ ಕೂಡಲೇ ಗಪ್‍ಚುಪ್ !

ನಿದ್ದೆಯ ವಿಷಯದಲ್ಲಿ ಇನ್ನೂ ಯಾವುದೇ ನಿಯಮಿತ ವೇಳಾಪಟ್ಟಿ ಜಾರಿಗೆ ಬಂದಿಲ್ಲ..

ಬಹುತೇಕ ’ಕೋಳಿ’ ನಿದ್ದೆ ಜಾಸ್ತಿ. ಮಲಗಿಸಲು ಅರ್ಧಗಂಟೆ ತಗೊಂಡರೆ, ಸಾನ್ವಿಗೆ ನಿದ್ದೆಯಿಂದ ಎಳೋಕೇ ೫-೧೦ ನಿಮಿಷ ಸಾಕು. ಉಳಿದಂತೆ ರಾತ್ರಿ ಪಾಳಿ ಮುಂದುವರೆದಿದೆ.

ಸಾನ್ವಿ ರೂಮಿನ ಗೋಡೆಯ ಮೇಲೆ ವಿವಿಧ ಪ್ರಾಣಿ-ಪಕ್ಷಿಗಳ ಚಿತ್ರಗಳಿವೆ. ಈಗೀಗ ಅವುಗಳ ಕಡೆ ನೋಡುತ್ತಿದ್ದಾಳೋ ಅನಿಸಿತು.

ಸಾನ್ವಿ ಜೊತೆ ರಾಗವಾಗಿ ಮಾತನಾಡುತ್ತಿದ್ದರೆ, ಸಾನ್ವಿಗೆ ಏನೋ ಖುಷಿ. ಮಂದಹಾಸ ಅರಳಿಬಿಡುತ್ತೆ. ಹಾಗೇ ನಮ್ಮೊಂದಿಗೆ ಮಾತಾಡಲು ಮಾತಾಡಲು ಪ್ರಯತ್ನಿಸುತ್ತಾಳೆನೋ ಅನಿಸುವಂತೆ ಬಾಯಿ ಮುಖ ಮಾಡುವುದಿದೆ. ಕೆಲವೊಮ್ಮೆ ಬಾಯಿಂದ ’ಅ......ಕಕಕ’ ತರದ ಅಕ್ಷರಗಳು ಕೇಳಿವೆ. ಸಾನ್ವಿ ಅಮ್ಮ ಮತ್ತು ಮುತ್ತಜ್ಜಿಗೆ ಅದು ಸಾನ್ವಿ ’ಅಕ್ಕ’ ಎಂದು ಹೇಳಿದ್ದಾಳೆ ಎಂಬ ಖಾತ್ರಿ !

ಇತ್ತೀಚಿಗೆ ಒಂದು ಮಜಾ ಘಟನೆ ನಡೆಯಿತು..

ಸಾನ್ವಿ ಜೊತೆಗೆ ಸುಮ್ಮನೆ ಮಾತಾಡುವುದು ಒಂದು ನೆಚ್ಚಿನ ಸಮಯ. ಸಾನ್ವಿಗೆ ಅರ್ಥವಾಗೇ ಬಿಡ್ತು ಅನ್ನೋ ಹಾಗೇ ಏನಾದರೂ ಹೇಳ್ತಾ ಇರ್ತೀವಿ. ಹಾಗೇ ಹೇಳ್ತಾ, ಸಾನ್ವಿಗೆ ’ಬಸವಣ್ಣನವರು ಕಿರಿಯರ ಬಗ್ಗೆ ಏನು ಹೇಳಿದ್ದಾರೆ ಗೊತ್ತಾ’ ಅಂತಾ ಕೇಳ್ತಾ ಇದ್ದೆ. ನನ್ನ ಮುಖವನ್ನೇ ನೋಡ್ತಾ ಇದ್ದ ಸಾನ್ವಿ, ನನ್ನ ಮಾತು ಮುಗಿಯುತ್ತಿದ್ದಂತೆ ಬಾಯಿ ತೆರೆದು ’ಒ....ಕೆ’ ತರದ ಸ್ವರ ಹೊರಡಿಸಿ ನಕ್ಕಳು ! ನಾವೆಲ್ಲಾ ನಕ್ಕಿದ್ದೇ ನಕ್ಕಿದ್ದು. ಬಸವಣ್ಣನವರ ಬಗ್ಗೆ ಮಾತಾಡಲು ’ಓಕೆ’ ಕೊಟ್ಟಿದ್ದಕ್ಕೆ ಸಾನ್ವಿಗೆ ಥ್ಯಾಂಕ್ಸು !

Wednesday, September 29, 2010

ಬೆಳದಿಂಗಳ ಮರಿ


ಬೆಳದಿಂಗಳ ಮರಿ
ನಕ್ಷತ್ರ ತೊಟ್ಟಿಲಲಿ
ಚಂದ್ರನ ತುಂಡು
ದಿಂಬಾಗಿಸಿ ಮಲಗಿತ್ತೋ

ಜೋಗುಳ ಪದ
ಹಕ್ಕಿಯ ಹಾಡಲ್ಲಿ
ಬೆಳದಿಂಗಳ್ಮರಿ ಕಂಡು
ಪಿಸುಮಾತಲಿ ಹಾಡಿತ್ತೋ

ಮುಂಜಾವು ರವಿ
ಮೂಡಲ ಮನೆಯಲಿ
ಮೋಡದ ಹಿಂದೆ
ಸರಿದು ಕಾದಿತ್ತೋ

ಮೂಡಲ ಮನೆಯಾಚೆ
ಇಣುಕುವುದು ಯಾವಾಗ
ರವಿ ಕೇಳಲು
ಹಕ್ಕಿ ಉಲಿಯಿತು
ಬೆಳದಿಂಗಳ್ಮರಿ ಎದ್ದಾಗ

Tuesday, September 21, 2010

To Doctor, With Love

When we met her first time, we didn't know what to expect..

We were somewhat sure but not clear and we were there to check.

She was the one who confirmed the 'good news' to us.

Since then we had been to her every month. Earlier months it was once, then later twice and in end months, every week. Through out the period of 9 months, she was advising and guiding through the period when life was taking shape.

We were naturally worried about every small & big things during this time. She handled it sometimes through her expertise and most of the times by talking..

She was gracious, comforting & meticulous.

And when it was time for the moment, She delivered our Saanvi.

Her name - Dr. Lani Warren.

****************

After Saanvi was born, we did not get chance to meet the doctor.

Today we visited her just to convey our gratitude for all the wonderful things she did for us. It was time to thank the supporting staff from doctors' office as well.

It was a heartfelt moment to say thanks to Dr.Lani. We presented her the 'thank you' card specially made for her. There was also the photo of her with Saanvi from the day of delivery.

Saanvi's photo made her way to the wall of doctor's office ..

Indeed how can we let the doctor go without she tasting some Indian sweets. We gave her a box of Soan Papdi. But definitely we didn't expect her to ask us what the sweet is made up of !

Is it like doctors always put calories in front of taste !

******************

Doctors do such a noble work..

They help bring new life to existence, save life that is in danger & nurture a sick life.

A Sanskrit verse goes like this

शरीरे जर्जिर्बूते व्याधिग्र्सते कलेवर ।
अशुद्धम झान्वीतॊय्म वैद्यॊ नारायणम हरिः

This translates to
"When the body is suffering and when the disease is occuping the body, (bitter) medicine is like the (holy)water of Ganga and doctor is God (Narayana) Himself "

No other term as 'Vaidyo Narayana Hari' explains it better..


 
Thanks to all the doctors in the world..

Ofcourse, special thanks from Saanvi to Dr. Lani !

Tuesday, September 14, 2010

ಮುತ್ತಜ್ಜಿ

ಸಾನ್ವಿಯ ಎಣ್ಣೆ ಮಾಲೀಶ್-ಸ್ನಾನದ ಪ್ರೀತಿ ಬಗ್ಗೆ ಹಿಂದೆ ಹೇಳಿದ್ದೆ. ಸಾನ್ವಿಗೆ ದಿನ ಹೀಗೆ ಎಣ್ಣೆ-ಸ್ನಾನ ಮಾಡಿಸೋರು ಅವರ ಮುತ್ತಜ್ಜಿ !

ಸಾನ್ವಿ ಅಮ್ಮನನ್ನು ಎತ್ತಿ ಬೆಳಿಸಿದ ಕೈಗಳು ಈಗ ಸಾನ್ವಿಯನ್ನು ಎತ್ತಿ ಆಡಿಸುತ್ತಿರುವುದು ಒಂದು ಭಾಗ್ಯವೇ..

ವೀಸಾ, ಮೊದಲ ಬಾರಿ ವಿಮಾನ ಪ್ರಯಾಣ, ಎರ್ ಪೋರ್ಟ್, ತಪಾಸಣೆ ಇತ್ಯಾದಿಗಳನ್ನು ಅರಿಗಿಸಿಕೊಂಡು, ಅವರು ಭಾರತದಿಂದ ಇಲ್ಲಿಗೆ ಪಯಣಿಸಿದ್ದೇ ಒಂದು ಕತೆ.

ನಾಲ್ಕು ವರ್ಷದ ಹಿಂದಿನ ಮಾತು, ಹುಡುಗಿ ನೋಡಲು ಸಾನ್ವಿ ಅಮ್ಮನ ಮನೆಗೆ ಹೋಗಿದ್ದೆ. ಉಭಯ ಕುಶಲೋಪರಿಯ ನಂತರ ಬಂದವರು ಇವರು. ಇವರನ್ನು ನೋಡಿದ ಮೇಲೆ, ಬಹುಷಃ ಇವರು ಹುಡುಗಿಯ ತಾಯಿ ಇಲ್ಲಾ ದೊಡ್ಡಮ್ಮ ಇರಬಹುದು ಎಂದು ನನ್ನ ಊಹೆಯಾಗಿತ್ತು. ಸ್ಪಲ್ಪ ಸಮಯದ ನಂತರ ನನಗೆ ತಿಳಿದದ್ದು ಅವರು ಹುಡುಗಿಯ ಅಜ್ಜಿ ! ನಂತರ ತುಂಬಾ ಸಲ ಸಾನ್ವಿ ಅಮ್ಮನ ಜೊತೆ ಮಾತಾಡುವಾಗ, ಅಜ್ಜಿ ಈ ವಯಸ್ಸಿನಲ್ಲೂ ಹಾಗೇ ಕಾಣುವ ರಹಸ್ಯದ ಬಗ್ಗೆ ಕಾಡಿಸಿದ್ದು ಇದೆ.

ಅಜ್ಜಿ ಯಂಗ್ ಅಷ್ಟೇ ಆಗಿರದೇ, ಮನೆ-ಸಂಸಾರವನ್ನು ಬೆಳಸಿದ ಪರಿ ನೆನಪಿಟ್ಟುಕೊಳ್ಳುವಂತದ್ದು. ಅಜ್ಜನ ಶಿಕ್ಷಕ ವೃತ್ತಿಯಿಂದ ಬರುವ ಆದಾಯದಲ್ಲಿ ಮನೆ ತೂಗಿಸಿಕೊಂಡು, ೫ ಜನ ಮಕ್ಕಳನ್ನು ಓದಿಸಿ, ಎಲ್ಲರೂ ಮಾಸ್ಟರ್ ಡಿಗ್ರಿ ತೆಗೆದುಕೊಂಡು(ಇಬ್ಬರೂ ಪುತ್ರರು ಪಿ.ಹೆಚ್.ಡಿ ಸಹ ಮಾಡಿ) ಜೀವನದಲ್ಲಿ ನೆಲೆ ಕಂಡುಕೊಳ್ಳುವುದು ಸಾಮಾನ್ಯ ಮಾತಲ್ಲ.

ಅಂತಹ ಅಜ್ಜಿ ನಮ್ಮಲ್ಲಿಗೆ ಬಂದಾಗ ನಮಗೆ ಸಂತೋಷವೇ ಆಗಿತ್ತು, ಜೊತೆಗೆ ಅಜ್ಜಿ ಇಲ್ಲಿನ ಜೀವನಕ್ಕೆ ಹೇಗೆ ಹೊಂದಿಕೊಳ್ಳುತ್ತಾರೆಂದು ಸ್ಪಲ್ಪ ಯೋಚನೆಯಿತ್ತು. ಆ ಎಲ್ಲಾ ಯೋಚನೆಗಳನ್ನು ಕೆಲವೇ ದಿನಗಳಲ್ಲಿ ಕೊಡವಿಕೊಳ್ಳುವಂತೆ ಮಾಡಿಬಿಟ್ಟರು ಅಜ್ಜಿ. ಅವರ ವಿಶೇಷ ಇರುವುದೇ ಹೊಂದಿಕೊಳ್ಳುವ ಸ್ವಭಾವದಲ್ಲಿ..

ಸಾನ್ವಿ ಅಮ್ಮನ ಹೂ ಮುಡಿಸುವ ಕಾರ್ಯಕ್ರಮ ನಡೆಸಿದಾಗ, ಒಂದೂ ಬಿಡದೆ ಆಚಾರ-ಪದ್ಧತಿಗಳನ್ನು ಮಾಡಿ, ಬಂದವರಿಗೆ ಹೋಳಿಗೆ ಊಟ ಹಾಕಿ, ಎಲ್ಲಾ ಸುಸಾಂಗತ್ಯವಾಗಿ ನಡೆಸಿಕೊಟ್ಟಿದ್ದರು.

ನಂತರ ಸಾನ್ವಿ ಅಮ್ಮ ಅಸೆ ಪಡುವ ಅಕ್ಕಿ ರೊಟ್ಟಿ, ರಾಗಿ ಕಿಲ್ಸಾ, ರವೆ ಪಾಯಸಗಳು ನಮ್ಮ ಅಡುಗೆ ಮನೆಯಲ್ಲಿ ದಿನವು ಸುವಾಸನೆ ಬೀರತೊಡಗಿದ್ದವು.

ಇಲ್ಲಿಗೆ ಬಂದ ಮೇಲೆ ಅಜ್ಜಿ ಅಕ್ಕಪಕ್ಕದಲ್ಲಿ ಸ್ನೇಹಿತರನ್ನು ಮಾಡಿಕೊಂಡದ್ದು ಇದೆ. ಪಕ್ಕದ ಮನೆಯ ಅಮೇರಿಕನ್ ಸಿಕ್ಕಿದಾಗ ಇವರಿಗೆ ಇಂಗ್ಲೀಷ್‍ನಲ್ಲಿ ಎನೋ ಹೇಳಿದಂತೆ, ಇವರು ಅವನಿಗೆ ’ನಾವು ಕನ್ನಡದವರು’ ಅಂದರಂತೆ. ಅವನಿಗೆ ಅದು ಕೆನಡಾ ಅಂದು ಕೇಳಿಸಿ, ’I have been to Canada’ ಅಂದನಂತೆ. ಅವನ ಕಣ್ಣಿನಲ್ಲಿ ಅಜ್ಜಿ ಕೆನಡಾದಿಂದ ಬಂದಿದೆ !

ಹಾಗೇ ಮೇಲಿನ ಮನೆಯ ಇನ್ನೊಂದು ಭಾರತೀಯ ಕುಟುಂಬವೊಂದು ಅವರ ಮನೆಯಲ್ಲಿ ತುಂಬಾ ಅಳುತ್ತಿದ್ದ ಮಗುವಿಗೆ ಎನು ಮಾಡಬೇಕೆಂದು ಅಜ್ಜಿಗೆ ಕೇಳಿದರು. ಅಜ್ಜಿ ಅವರ ಮನೆಗೆ ಹೋಗಿ ಮಗುವನ್ನು ಸಮಾಧಾನ ಮಾಡಿಕೊಟ್ಟು ಬಂದಿದ್ದಾರೆ.

ಇನ್ನು ನಮ್ಮ ಅಪಾರ್ಟ್‍ಮೆಂಟ್ ರಿಪೇರಿ ಕೆಲಸ ನೋಡಿಕೊಳ್ಳುವ ರಾಬರ್ಟೋ ಎನ್ನುವ ಮೆಕ್ಸಿಕನ್, ನಮ್ಮ ಮನೆಗೆ ಯಾವುದೋ ರಿಪೇರಿಗೆಂದು ಬಂದಿದ್ದ. ಆಗ ಅಜ್ಜಿ ಅವನಿಗೆ ಕಣ್ಣನ್‍ದೇವನ್ ಟೀ ಮಾಡಿಕೊಟ್ಟಿದ್ದರು. ಬಹುಷಃ ಮೊದಲ ಸಲ ಈ ರೀತಿ ಉಪಚಾರ ಕಂಡು ರಾಬರ್ಟೋ ತುಂಬಾ ಖುಶ್. ಅದು ಕೆಟ್ಟಿದೆ-ಇದು ಕೆಲಸ ಮಾಡ್ತಿಲ್ಲ-ಯಾವಾಗ ರಿಪೇರಿ-ಇನ್ನೂ ಎಷ್ಟೊತ್ತು ಅನ್ನುವ ಜನರ ಮಧ್ಯೆ ಅಜ್ಜಿ ಅವನಿಗೆ ವಿಭಿನ್ನವಾಗಿ ಕಂಡಿರಬಹುದು.

ಆಸ್ಪತ್ರೆಯಲ್ಲಿ ಸಾನ್ವಿ ಜನಿಸಿದಾಗ ವೈದ್ಯರು-ನರ್ಸ್‍  ಇವರು ಸಾನ್ವಿಯ ಮುತ್ತಜ್ಜಿ ಎಂದು ತಿಳಿದಿದ್ದೆ ಪರಮಾಶ್ಚರ್ಯಗೊಂಡಿದ್ದರು. ’She looks so young to be great-grand mother' ಎನ್ನುವುದು ಸಾಮಾನ್ಯ ಉದ್ಗಾರವಾಗಿಬಿಟ್ಟಿತ್ತು!

ಸಾನ್ವಿ ಜನಿಸಿದ ಮೇಲೆ ಹೆಚ್ಚಿಗೆ ಆದ ಮುತ್ತಜ್ಜಿಯ ಕೆಲಸ- ದೃಷ್ಟಿ ತೆಗೆಯುವುದು! ದೃಷ್ಟಿ ತೆಗೆಯುವಾಗಲೂ ಇಷ್ಟೊಂದು ರೀತಿಗಳಿವೆ ಎಂಬುದನ್ನು ಇವರು ಮಾಡುವುದನ್ನು ನೋಡಿದ ಮೇಲೆ ಗೊತ್ತಾಗಿದ್ದು.

ಸಾನ್ವಿಯ ಸ್ನಾನ ಮಾಡಿಸುವಾಗ ಅತ್ಯಂತ ಜಾಗರೂಕತೆಯಿಂದ-ಅಷ್ಟೇ ಪ್ರೀತಿಯಿಂದ ನೀರೆರವುದು ನೋಡುವುದು ಸೊಗಸು. ಸಾನ್ವಿ ಪ್ರತಿ ನಡೆಯನ್ನು ಗಮನಿಸುತ್ತಾ ಕೆಲವೊಮ್ಮೆ ಯಾಕೇ ಅಳುತ್ತಿರುವುದೋ- ಎನು ತೊಂದರೆಯೋ ಎನ್ನುವ ಆತಂಕ ಎದುರಾದಾಗ, ತಮ್ಮ ಅನುಭವದ ನುಡಿಗಳನ್ನು ಹೇಳಿದ್ದು ಅಜ್ಜಿ.

ಮೊನ್ನೆ ಗಣೇಶ ಚೌತಿಯಂದು ಅದೆಲ್ಲಿಂದಲೋ ಒಂದು ಗರಿಕೆಯನ್ನು ತೆಗೆದುಕೊಂಡು ಬಂದು ಬೆನಕನನ್ನು ಮಾಡಿದ್ದರು.ಸಾನ್ವಿ ಮತ್ತು ಮುತ್ತಜ್ಜಿ ಕಮಲಮ್ಮ, ಗೌರಿ-ಗಣಪನ ಮುಂದೆ ಹಾಡಿದ ವಿಡಿಯೋ ಇಲ್ಲಿದೆ. ಹಾಡಿನ ಮಧ್ಯದಲ್ಲಿ ಸಾನ್ವಿ ಅಳುವ ರಾಗದ ಆಲಾಪವೂ ಇದೆ !

ಅಜ್ಜ-ಅಜ್ಜಿಯ ಕೈಯಲ್ಲಿ ಆಡುವುದು ಎಷ್ಟು ಚೆನ್ನಾ..ಅದರಲ್ಲೂ ಮುತ್ತಜ್ಜಿ..
ಸಾನ್ವಿಗೆ ಆ ಅವಕಾಶ ಸಿಕ್ಕಿರುವುದು ವಿಶೇಷವೇ !

Tuesday, September 7, 2010

ಒಂದು ತಿಂಗಳಲ್ಲಿ (Month One)

ಒಂದು ತಿಂಗಳಲ್ಲಿ ಸಾನ್ವಿ ಚೂರು ಉದ್ದ ಆಗಿದ್ದಾಳೆ ಹಾಗೆಯೇ ಸ್ಚಲ್ಪ ತೂಕ ಹೆಚ್ಚಿಗೆ ಆಗಿದೆ.

ಸಾನ್ವಿ ಈಗ ಕತ್ತು ಎತ್ತಿ ನಮ್ಮನ್ನು ನೋಡ್ತಾಳೆ. ನಾವು ಮುಂದೆ ಆಡಾಡ್ಡಿದರೆ ಪುಟ್ಟ ಕಣ್ಣುಗಳು ನಮ್ಮನ್ನು ಹಿಂಬಾಲಿಸುತ್ತವೆ.

ಬೆನ್ನು ಮೇಲೆ ಮಾಡಿ , (ಮರಿ)ಅಜ್ಜಿ ಕಾಲ ಮೇಲೆ ಮಲಗಿ, ಎಣ್ಣೆ ಮಾಲೀಶ್ ಮಾಡಿಸಿಕೊಳ್ಳೋದು ಸಾನ್ವಿಗೆ ತುಂಬಾ ಇಷ್ಟ.ಎಣ್ಣೆ ಮಾಲೀಶ್ ನಂತರ ಬಿಸಿಬಿಸಿ ನೀರು ಎಷ್ಟು ಹಾಕಿದರೂ ಚಿಂತೆಯಿಲ್ಲ.

ಆದರೆ ಅಲ್ಲಿಂದ ಎಬ್ಬಿಸಿ ನೆಟ್ಟಗೆ ಕುಳಿಸಿಕೊಂಡು ನೀರು ಹಾಕೋದು ಚೂರು ಇಷ್ಟ ಇಲ್ಲ. ಭಾರೀ ಬೇಜಾರು, ಅಳು ಬಂದೇ ಬಿಡುತ್ತೆ ಸಾನ್ವಿಗೆ !

ಬೆಳಕಿನ ಕಡೆ ಜಾಸ್ತಿ ಆಸಕ್ತಿ. ಕಿಟಕಿ-ಬಾಗಿಲು ಎಲ್ಲಿ ಬೆಳಕು ಬರುತ್ತೋ ಆ ಕಡೆ ಗಮನ.

ಸಂಗೀತದ ಅಲೆಗಳು ಬಹುಷಃ ಇಷ್ಟ. ತೂಗು ಕುರ್ಚಿಯಲ್ಲಿ ಸಂಗೀತ ಹಾಕಿದ ಕೂಡಲೇ ಚಿತ್ತ ಆ ಕಡೆ ಹರಿಯುತ್ತೆ.

ಬಹುತೇಕ ದಿನಗಳಂದು ರಾತ್ರಿ ಪಾಳಿಯಲ್ಲಿ ಸಾನ್ವಿಯವರ ಕೆಲಸ ಜೋರು ! ಮಧ್ಯರಾತ್ರಿ ಅಸುಪಾಸಿನಲ್ಲಿ ಶುರುವಾಗುವ ಆಟದ ಸಮಯ ಕೆಲವೊಮ್ಮೆ ಮುಂಜಾವಿನವರೆಗೆ ನಡೆಯುತ್ತೆ.

ಮಲಗಿದಾಗ ಪುಟ್ಟ ಮುಖದ ಮೇಲೆ ಮೂಡುತ್ತೆ ಚೆಂದದ ನಗು. ಪುಟ್ಟ ಕಂದ ಯಾಕೇ ನಗುತ್ತೆ ಅಂತಾ ಗೊತ್ತಿಲ್ಲಾ, ಆದರೆ ಅದು ಮಂದಹಾಸ ಬೀರೋದು ನೋಡುವುದು ಒಂದು ಹಬ್ಬ.



Saanvi has grew little taller and added little weight.

She lifts her head and follows us as we move around.

Favorite activity is getting oil massage from granny while laying on granny's legs. She doesn't mind pouring any amount of hot water after that..
 
But problem comes when she is made to sit straight and water is poured. She gets annoyed and big cry always follows.
 
Light interests her a lot. She looks at windows and doors from where light peeks in.
 
Music probably soothes her. She seems like listening to it when music on her bouncer is turned on.
 
She is very active in night slots. Usually she starts playing around midnight and sometimes keeps going till early hours.
 
Best part so far has been the cute smile on her face when she is sleeping. Not sure though why babies smile, but its incredibly beautiful to watch !

Thursday, September 2, 2010

The first cry

It was a Thursday morning...

Water broke and the contractions were getting started. We were rushing to the Labor & Delivery room.

I was thinking, in many parts of world, for some reason, men were not allowed inside the delivery room and the delivery remained as a mystery.

Letting husband to be the part of this important stage of life was an noble idea.

Had seen enough about the delivery rooms in the hollywood movies and sitcoms. Personally I had even heard stories of dads passing out in the delivery room during the birth.

I had made up my mind that I will stick by my lady's side and be there throughout.

As the contractions picked up, I tried to encourage her to push it more. It was a test of strength, endurance and persistance. I know she was in great pain but there was not much I was able to do, other than being there.

The tremendous pushing and pain continued and the clock ticked.

The day became evening and then the moment arrived...

Our baby had descended, little smeared in fluids.

And there it was the first cry.

It was such an euphoric feeling to hear the voice of the baby. Sound of crying never sounded so good before!

The doctor asked if I want to cut the umblical cord and I readily obliged. For some reasons, the cutting of cord made me feel the part of entire experience.

The baby was already on the mom's chest feeding.

There was a new found respect for my wife and all the women in general. It sinked into my mind that there is no greater pain than this and there is no greater strength than the strength shown by women during the child birth.

I stood there looking at my beautiful lady and even more beautiful baby....


*********************************************************************************
Saanvi turns 1 month today and this is a fond rememberance of that beautiful day a month ago..



Saturday, August 28, 2010

ಸೃಷ್ಟಿ ಸೊಬಗು



                   
ಶುಭ್ರ ಆಕಾಶದಿ
ನಗುವ ಚಲುವ ಚಂದಿರ
ನಮ್ಮ ಮನೆಯಂಗಳದಿ
ನಲಿವ ಮುದ್ದು ತಾರೆ

ಹಸಿರ ವನದಿ
ಅರಳುವ ಕೆಂಪು ಹೂವು
ನಮ್ಮ ಹೃದಯದಿ
ಸೂಸುವ ಕಂಪು ಮೊಗ್ಗು

ನೀಲ ಸಾಗರದಾಳದಿ
ಹೊಳೆವ ಹವಳ ಪಚ್ಚೆ
ನಮ್ಮ ಒಡಲಾಳದಿ
ಬಿರಿವ ಪುಟ್ಟ ರತ್ನ

ಸೃಷ್ಟಿಯ ಸೊಬಗಿನದಿ
ಎನಿತು ವಿಸ್ಮಯ 
ನಮ್ಮಯ ಜೀವನದಿ
ನೀನೇ ಚೇತನ್ಮಯ

Sunday, August 22, 2010

Mistaken Identity !

It was then few hours since Saanvi was born.

After the initial feeding she was taken to the baby nursery. After some time, nurse called our ward room and told that baby is ready for feed and that she is bringing the baby back.

We both were excited to hear that our baby is coming back.

As nurse brought the trolley with baby, something didn't seemed right. I had remembered our Saanvi had yellow cap. This baby had a purple cap. Also it didn't look like Saanvi we had seen earlier !

Thanks to tagging system !

The number on baby's tag was different from what was on my tag & Saanvi's mother's tag.

It was not our Saanvi !!

Apparently there was some confusion from nurse's side. Earlier there was a family in our ward room and they had moved to a different room. Nurse had brought their baby to our room !!

After this little drama, our Saanvi came. We confirmed by matching the tagging numbers. As well, the baby was the Saanvi we had seen few hours before !

With tagging system in place, though its not so easy for babies to get swapped, things like these are always uncomforting ones.


PS: After the child is born, the babies are taken to baby nursery so that they monitor baby overnight and also that mom can take some rest. Moms definitely need rest after the delivery! The nurse brings the baby back to mom when it is hungry.

Thursday, August 19, 2010

ನನ್ನ ಮಗಳು











ಕೆಂಗುಲಾಬಿ ಬಣ್ಣ ಕಪ್ಪು ಕೇಶ
ಗುಂಡು ಕೆನ್ನೆ ಹವಳದ ತುಟಿ
ಪುಟ್ಟ ಬೆರಳು ಮುದ್ದು ಪಾದ
ಜಗಕೆ ಆಗಷ್ಟೆ ಆಗಮಿಸಿದ
ಆ ಸೊಬಗ ಜೀವ ನನ್ನ ಕೈಗಳಲಿ..

ಎಲ್ಲವೂ ಹೊಸದು ಎಲ್ಲವೂ ಬೆರಗಿನದು
ಈ ಜಗವೆಲ್ಲಾ ಆನಂದಮಯ
ಕೈಗಳಲೊಂದು ನವ ಚೇತನ
ಹೃದಯದಲಿ ಹೊಸ ಹುಮ್ಮಸ್ಸು

ಸೃಷ್ಟಿಯ ಈ ಅದ್ಭುತ ರಚನೆಗೆ
ಮಾತು ಬರೀ ಮೌನ
ಮನದಲ್ಲೊಂದು ನಮನ
ಆ ಸೃಷ್ಟಿಯ ’ಕಲಾವಿದ’ನಿಗೆ

ಪಿಳಿಪಿಳಿ ಕಣ್ಣುಗಳಲಿ
ಮೊದಲ ಬಾರಿಗೆ
ನನ್ನನ್ನೇ ನೋಡುತ್ತಿದ್ದ
ನನ್ನ ಮಗಳು ..

Thursday, August 12, 2010

When Stork visits

Initially we thought this blog will be in Kannada, but soon realized that by keeping open there are more thoughts, expressions and works that can be brought in.

So the blog will be multi-lingual and will be making an attempt to capture small steps of our dear daughter Saanvi.

It will be a walk through the beautiful tomorrow's that will be arriving.

Speaking of arrival,  often arrival of baby is indicated by the image of a Stork bearing the baby wrapped in a sling held in its beak.


Though its not sure how this beautiful association started but the imagination itself is wonderful.

So when Stork visited us, it indeed brought us a lovely & beautiful baby..

Big thanks to the Stork who visited us ! We owe you a nice treat !!

Wednesday, August 11, 2010

ಪುಟ್ಟ ಪುಟ್ಟ ಹೆಜ್ಜೆ


ಚಂದ್ರ-ತಾರೆಗಳು ನಲಿಯುವ ಆಕಾಶದಂಗಳದಿಂದ ನಮ್ಮ ಮನೆಗೆ ಮುದ್ದು ತಾರೆಯೊಂದರ ಆಗಮನವಾಗಿದೆ.


ನೋಡಲಿಕ್ಕೆ ಹೊಳೆಯುವ ಪುಟ್ಟ ತಾರೆಯಂತಿರುವ ಈ ನಮ್ಮ ಮಗುವಿನ ಆಗಮನದಿಂದ ನಮ್ಮ ಮನಗಳಲ್ಲಿ ಹೂಮಳೆ ನಡದೇ ಇದೆ.

ನಮ್ಮ ಮುದ್ದು ಮಗುವಿಗೆ ನಾವಿಟ್ಟ ಹೆಸರು - ಸಾನ್ವಿ.

ಸಾನ್ವಿಯ ಪುಟ್ಟ ಪುಟ್ಟ ಹೆಜ್ಜೆಗಳ ಗುರುತುಗಳನ್ನು ಹೆಕ್ಕಿ ಜೋಪಾನ ಮಾಡುವ ಚಿಕ್ಕ ಪ್ರಯತ್ನವೇ ಈ ಬ್ಲಾಗ್.

ಸಾನ್ವಿ ಜೊತೆಯಲಿ ಸಾಗುತ್ತ ಮುದ್ದು ಮಗಳ ಈ ಸುಂದರ ಪಯಣದಲ್ಲಿ ನಾವು ಹೆಜ್ಜೆ ಹಾಕುತ್ತಿರುತ್ತೇವೆ.

ಅಂದಾಗೆ ಮೇಲೆ ಹಾಕಿದ ಹೆಜ್ಜೆ ಗುರುತುಗಳು ಸಾನ್ವಿ ಜನಿಸಿದ ಮೊದಲ ದಿನ ಆಸ್ಪತ್ರೆಯಲ್ಲಿ ತೆಗೆದದ್ದು. ಮಗುವಿನ ಅಪ್ಪ-ಅಮ್ಮನಿಗೆ ಅದರ ಪಾದಗಳ ಅಚ್ಚಿರುವ ಒಂದು ನೆನಪಿನ ಕಾಣಿಕೆ ಕೊಡುವ ಸುಂದರ ಪರಿಪಾಟ ಆಸ್ಪತ್ರೆಯಲ್ಲಿದೆ. ಈ ಪಾದಗಳು ಆ ನೆನಪಿನ ಕಾಣಿಕೆಯಿಂದ !


- ಅಪ್ಪ ಅಮ್ಮ