ಪುಟ್ಟ ಪುಟ್ಟ ಹೆಜ್ಜೆ

ಚಂದ್ರ-ತಾರೆಗಳು ನಲಿಯುವ ಆಕಾಶದಂಗಳದಿಂದ ನಮ್ಮ ಮನೆಗೆ ಮುದ್ದು ತಾರೆಯೊಂದರ ಆಗಮನವಾಗಿದೆ.


ನೋಡಲಿಕ್ಕೆ ಹೊಳೆಯುವ ಪುಟ್ಟ ತಾರೆಯಂತಿರುವ ಈ ನಮ್ಮ ಮಗುವಿನ ಆಗಮನದಿಂದ ನಮ್ಮ ಮನಗಳಲ್ಲಿ ಹೂಮಳೆ ನಡದೇ ಇದೆ.

ನಮ್ಮ ಮುದ್ದು ಮಗುವಿಗೆ ನಾವಿಟ್ಟ ಹೆಸರು - ಸಾನ್ವಿ.

ಸಾನ್ವಿಯ ಪುಟ್ಟ ಪುಟ್ಟ ಹೆಜ್ಜೆಗಳ ಗುರುತುಗಳನ್ನು ಹೆಕ್ಕಿ ಜೋಪಾನ ಮಾಡುವ ಚಿಕ್ಕ ಪ್ರಯತ್ನವೇ ಈ ಬ್ಲಾಗ್.

ಸಾನ್ವಿ ಜೊತೆಯಲಿ ಸಾಗುತ್ತ ಮುದ್ದು ಮಗಳ ಈ ಸುಂದರ ಪಯಣದಲ್ಲಿ ನಾವು ಹೆಜ್ಜೆ ಹಾಕುತ್ತಿರುತ್ತೇವೆ.

ಅಂದಾಗೆ ಮೇಲೆ ಹಾಕಿದ ಹೆಜ್ಜೆ ಗುರುತುಗಳು ಸಾನ್ವಿ ಜನಿಸಿದ ಮೊದಲ ದಿನ ಆಸ್ಪತ್ರೆಯಲ್ಲಿ ತೆಗೆದದ್ದು. ಮಗುವಿನ ಅಪ್ಪ-ಅಮ್ಮನಿಗೆ ಅದರ ಪಾದಗಳ ಅಚ್ಚಿರುವ ಒಂದು ನೆನಪಿನ ಕಾಣಿಕೆ ಕೊಡುವ ಸುಂದರ ಪರಿಪಾಟ ಆಸ್ಪತ್ರೆಯಲ್ಲಿದೆ. ಈ ಪಾದಗಳು ಆ ನೆನಪಿನ ಕಾಣಿಕೆಯಿಂದ !


- ಅಪ್ಪ ಅಮ್ಮ