Saturday, March 26, 2011

ಬಣ್ಣದ ಲೋಕ















ಜಿಗಿಜಿಗಿದು ಕುಣಿವ ಅಲೆಯ ನೀಲಿ
ಸುಯ್‍ಸುಯ್ ತೂಗೋ ಮರದ ಕಂದು
ಬಣ್ಣದ ಬೆರಗಿನ ಲೋಕವಿದು

ಚಿಲಿಪಿಲಿ ಉಲಿಯುವ ಗಿಳಿಯ ಹಸಿರು
ಜುಮುಜುಮು ತೂಗುವ ಹೂವಿನ ಕೇಸರಿ
ಬಣ್ಣದ ಬೆರಗಿನ ಲೋಕವಿದು

ಕರಕರ ಕಡಿಯುವ ಸೇಬಿನ ಕೆಂಪು
ಹನಿಹನಿ ಜಿನುಗುವ ಹಾಲಿನ ಬಿಳುಪು
ಬಣ್ಣದ ಬೆರಗಿನ ಲೋಕವಿದು

ಪಳಪಳ ಹೊಳೆವ ಕಿವಿಯೊಲೆ ಹಳದಿ
ಹಿಡಿಹಿಡಿ ಸಿಗುವ ಜಡೆ ಕಪ್ಪು
ಬಣ್ಣದ ಬೆರಗಿನ ಲೋಕವಿದು

ಬಗೆಬಗೆ ಬಣ್ಣ ಬಗೆಬಗೆ ವಿಧ
ಎಂತಹ ಸುಂದರ ಲೋಕವಿದು
ಬಣ್ಣದ ಬೆರಗಿನ ಲೋಕವಿದು

******************************
ಹೋಳಿ ಹಬ್ಬವನ್ನು ಬಣ್ಣದ ಸಡಗರದಿಂದ ಸಾನ್ವಿ ಆಚರಿಸಿದ ಕ್ಷಣಗಳಲ್ಲಿ..

Tuesday, March 15, 2011

Month Seven

Saanvi is calling..

She has learnt to wave hands as if to call us.  She grabs any object which she can hold and tries to shake it.

Saanvi is able to sit for a while. Trying to touch her own feet when sitting is her favorite activity. After sitting for a while, she just slowly slide sidewise and becomes flat. It looks like a sack of sugar sliding...

Curiosity towards food is been increasing and she has been looking at our plates. These days she is getting to taste new food like customized versions of rice & green vegetables. This is complimenting her staple food. She enjoys grating small pieces of apple with her two teeth. But she most enjoys the little chapati/talipattu pieces and chews on them as if they are world's most tastiest bytes.

Drinking water has become a play. She blows air while drinking water to make the hissing sound.

Finally, she is making voices as if she is singing. The singing session goes on for most of the day and sometimes the songs are non-stop !


ಕೈ ಬೀಸುವುದು ಸಾನ್ವಿಯ ಹೊಸ ಕಲಿಕೆ. ನಮ್ಮನ್ನು ಕೈ ಬೀಸಿ ಕರೆಯುವಂತೆ ಭಾಸವಾಗುತ್ತದೆ. ಹಾಗೇ ಕೈಗೆ ಸಿಕ್ಕದನ್ನು ಅಲುಗಾಡಿಸುವುದು ನಡಿದಿದೆ.

ಕುಳಿತುಕೊಳ್ಳುವುದಕ್ಕೆ ಶುರುಮಾಡಿದ್ದಾಳೆ ಸಾನ್ವಿ. ಕುಳಿತ ಸ್ವಲ್ಪ ಸಮಯದ ನಂತರ ಸಕ್ಕರೆ ಮೂಟೆಯ ತರ ಪಕ್ಕಕ್ಕೆ ವಾಲಿ ಅಡ್ಡವಾಗಿ ಬಿಡುತ್ತಾಳೆ. ಕುಳ್ಳಿರಿಸಿದಾಗ ತನ್ನ ಪಾದಗಳನ್ನು ತಾನೇ ಮುಟ್ಟಿಕೊಳ್ಳುವ ಪ್ರಯತ್ನ ಮಾಡುತ್ತಿರುತ್ತಾಳೆ.

ಆಹಾರದ ಬಗ್ಗೆ ಆಸಕ್ತಿ-ವಿಸ್ಮಯ ಹೆಚ್ಚು ಬೆಳೆದಿದೆ. ನಾವು ಊಟ ಮಾಡುವಾಗ ನಮ್ಮ ತಟ್ಟೆಗಳ ಕಡೆ ಗಮನ ಜಾಸ್ತಿಯಾಗಿದೆ. ತನ್ನ ಎಂದಿನ ಆಹಾರದ ಜೊತೆಗೆ ಈಗೀಗ ಹೊಸ ಬಗೆಯ ರುಚಿಗಳನ್ನು ನೋಡುತ್ತಿದ್ದಾಳೆ. ಮೆತ್ತಗೆ ಬೇಯಿಸಿದ ಅನ್ನ-ಸೊಪ್ಪು-ಕೆಲವೊಮ್ಮೆ ತರಕಾರಿ ಸೇವನೆ. ಸೇಬಿನ ಚಿಕ್ಕ ಹೋಳುಗಳನ್ನು ತನ್ನ ಎರಡು ಹಲ್ಲುಗಳಲ್ಲಿ ಕರಕರ ಎಂದು ಎರೆಯುತ್ತಿರುತ್ತಾಳೆ.
ಅತ್ಯಂತ ಖುಷಿಕೊಡುವುದು ಚಪಾತಿ ಅಥವಾ ತಾಳಿಪಟ್ಟಿನ ಚಿಕ್ಕ ತುಂಡು. ಅದನ್ನು ಕೈಯಲ್ಲಿ ಕೊಟ್ಟರೆ ಕೈ-ಬಾಯಿ ಹಚ್ಚಿಕೊಂಡು ಚಪ್ಪರಿಸಿಕೊಂಡು ತಿನ್ನುವುದು ಅತ್ಯಂತ ಮೆಚ್ಚಿನ ಸಮಯ !

ನೀರು ಕುಡಿಯುವುದು ಸಹ ಹೊಸ ಆಟವಾಗಿದೆ. ನೀರು ಕುಡಿಯುವಾಗ ಅದರೊಳಗೆ ಗಾಳಿ ಊದುವುದು ಮತ್ತು ಅದರಿಂದ ಉಂಟಾಗುವ ಗುಳುಗುಳು ಶಬ್ದದಿಂದ ಖುಷಿ!

ಕಡೆಯದಾಗಿ ಹಾಡಿನ ರಾಗದಂತೆ ಧ್ವನಿ ಮಾಡುವುದು ಇನ್ನೊಂದು ಹೊಸ ಕಲಿಕೆ. ಈ ರಾಗಾಲಾಪ ದಿನವಿಡಿ ನಡೆಯುತ್ತಿರುತ್ತದೆ.

Saturday, March 5, 2011

ಬೆಳ್ಳಿ ಗೆಜ್ಜೆ















ಪುಟ್ಟ ಪುಟ್ಟ ಪಾದ
ಬೆಳ್ಳಿ ಗೆಜ್ಜೆಯ ಅಂಚು

ಗೆಜ್ಜೆಯ ಹೊಳೆವ ಗುಂಡು
ತಾಕಿದಾಗ ಮೂಡುವ ಸದ್ದು

ಗಲ್‍ಗಲ್ ಸದ್ದಿಗೆ ಅಚ್ಚರಿ
ಅರಳಿ ನಿಂತ ಕಣ್ಣು

ಕಾಲು ಕುಣಿಸಿದ ಕಿನ್ನರಿಗೆ 
ಸದ್ದಿನ ಮೂಲದ ಹುಡುಕಾಟ

ನಾದ ಹೊಮ್ಮುವ ಮೂಲ
ಕಾಲ ತುದಿಯಲ್ಲೆನ್ನುವ ಸಂತಸ

ಮತ್ತೆ ಕಾಲು ಕುಲುಕಾಟ
ಮತ್ತದೇ ಅಚ್ಚರಿ ವಿಸ್ಮಯದಾಟ

ಕಿನ್ನರಿಯ ಮೆಚ್ಚುಗೆಯ ನೋಟ
ಬೆಳ್ಳಿಗೆಜ್ಜೆಗೆ ಸಂತೃಪ್ತಿಯ ಹೆಮ್ಮೆ

**********************
ಸಾನ್ವಿಗೆ ನಿನ್ನೆ ಬೆಳ್ಳಿಗೆಜ್ಜೆ ತೊಡಿಸಿ, ಅವರ ಅಮ್ಮ ಮತ್ತು ಅಜ್ಜಿ ನೋಡುತ್ತಿದ್ದಾಗಿನ ದೃಶ್ಯಾವಳಿ ಇದು..