ಕವಿಶೈಲದಲ್ಲಿ ..

ಕಾಡಿನೊಳಗೊಂದು  ಹಂಚಿನ ಮನೆ 

ಎಷ್ಟು ದೊಡ್ಡದು ಅ ಮನೆ 

ನಾ ಎಷ್ಟು ಓಡಾಡಿದರೂ ಮುಗಿಯದ ಮನೆ

ಒಪ್ಪವಾಗಿ ಜೋಡಿಸಿಟ್ಟ ಸಾಮಾನುಗಳು

ಅಲ್ಲೊಂದು ತೊಟ್ಟಿಲು ಇಲ್ಲೊಂದು ದೊಡ್ದಪಾತ್ರೆ 

ಯಾವುದನ್ನು ನಾ ಮುಟ್ಟುವ ಆಗಿಲ್ಲ  

ಬಿಳಿ ತಲೆಗೂದಲಿನ ಅಜ್ಜನ ಚಿತ್ರಗಳು

ಅಲ್ಲಿ ಅಜ್ಜನ ಜೊತೆ ಚಿಕ್ಕ ಪಾಪುಗಳು
ನನದೊಂದು ಅಲ್ಲಿ ಚಿತ್ರವಿದೆಯಾ ?

 

ಅಜ್ಜನ ವಸ್ತುಗಳು ಮೇಲೆ ಅಟ್ಟದಲ್ಲಿ 
ಕೋಣೆ ತುಂಬಾ ಸನ್ಮಾನ ಪ್ರಶಸ್ತಿಗಳು
ಅಟ್ಟದ ಮೆಟ್ಟಿಲುಗಳ ಹತ್ತಿ ಇಳಿಯುವುದೇ ಇಷ್ಟ

 

ಕೆಳಗೆ ಅಜ್ಜ ಬರೆದ ಪುಸ್ತಕ ರಾಶಿ

ಹೇಗೆ ಬರೆದರು ಅಷ್ಟು ಪುಸ್ತಕ !

ಪುಸ್ತಕ ಬೇಕು ನನಗೊಂದು 

ಬಂದು ನಿಂತೆನು ಮನೆಯ ಹೊರಗೆ

ಮಾತಾಡಿಕೊಳ್ಳುತ್ತಿದ್ದರು ಅಪ್ಪ-ಅಮ್ಮ 
ಕುವೆಂಪು ಅಜ್ಜನದಂತೆ ಆ ಮನೆ
ಹೆಸರು ಕವಿಶೈಲವಂತೆ.