ಅಡುಗೆ ಮನೆ

ಒಗ್ಗರಣೆ ಹಾಕುವಾಗ ಚಟಪಟ ಸದ್ದು
ಸೌಟು ಮಾಡುವ ಸೊರಸೊರ ಶಬ್ದ
ಸಾರು ಕುದಿಯುವಾಗ ಕೊತಕೊತ
ಸಾನ್ವಿಗೆ ನೋಡಲು ಬಲು ಇಷ್ಟ

ಮಿಕ್ಸರ್ ತಿರುವಾಗ ಗೊರಗೊರ ಶಬ್ದ
ಒವೆನ್ ಬಿಸಿಯಾಗುವಾಗ ಸರ್‌ಸರ್ ಶಬ್ದ
ಪಾತ್ರೆ ಬಿದ್ದಾಗ ಟಳ್‍ಟಳ್
ಸಾನ್ವಿ ತಟ್ಟನೆ ಬೆದರುವಳು ಇಲ್ಲೇ

ನೀರು ಬೀಳುವ ಸೀಳ್‍ಸೀಳ್ ಸದ್ದು
ತರಕಾರಿ ಹೆಚ್ಚುವಾಗ ಕಟ್‍ಕಟ್ ಶಬ್ದ
ಬೇಳೆ ಹಾಕುವಾಗ ಟಕ್‍ಟಕ್
ಸಾನ್ವಿಗೆ ಕೇಳಲು ಬಲು ಇಷ್ಟ

ಚಪಾತಿ ಉದ್ದುವಾಗ ಲೊಟಲೊಟ ಸದ್ದು
ದೋಸೆ ಹೊಯ್ಯುವಾಗ ಚುಯ್‍ಚುಯ್ ಶಬ್ದ
ಏಳುವ ಬಿಸಿಬಿಸಿ ಹೊಗೆ
ಸಾನ್ವಿ ಕಣ್ಣು ಅರಳುವ ಬಗೆ

ಅಡುಗೆ ಮನೆಯ ನೋಟ ಶಬ್ದ
ಯಾವಾಗ ಹೊಕ್ಕರು ನಿಲ್ಲದ ಅಚ್ಚರಿ
ಮಾಡುವುದು ವಿಸ್ಮಯ ಸೊಬಗು
ಸಾನ್ವಿಗೆ ಅದೊಂದು ಬಣ್ಣದ ಬೆರಗು